Jobe 27:23 - Siswati 1996 Bible

²³ Ushaya tandla umhleke lusulu; uyamhhewula umsuse endzaweni yakhe.”

Jobe 27:23 ပူးပေါင်းရင်းမြစ်များ

1 Emakhosi 9:8

Noko nome kwanyalo lelithempeli lisenesitfunti lesimatima kangaka, bonkhe labendlula ngakulo bayawumangala bahhalatise, batsi: ‘Simakadze uyenteleni lentfo lenjena kulelive nakulelithempeli?’

Jobe 18:18

Sewucoshiwe ekukhanyeni wayiswa ebumnyameni, ulahliwe futsi lapha kulomhlaba.

Jobe 20:8

Njengeliphupho uyandiza angaphindzi atfolakale, anyamalaliswe njengembono wasebusuku.

Jobe 28:1

“Ukhona umgodzi wekutapa isiliva, yebo, ikhona nendzawo lapho kucengisiswa khona igolide.

Jobe 34:37

wengeta buvukelambuso kulesono sakhe, ushaya tandla tendzelelo lapha emkhatsini wetfu, alibale kutsakuta, abaliselana naNkulunkulu.”

Jobe 7:10

Ngeke aphindze abuyele endlini yakhe, indzawo yakhe ayisayiwuphindza imati.

Taga 11:10

Nakuchuma bantfu labalungile, takhamiti telidolobha labo tiyatsakasa; kantsi nakufa lomubi, wonkhe umuntfu uyajabula.

Jeremiya 19:8

Ngiyawulibhidlita lelidolobha, ngilente libe yintfo yekuhlekisa; bonkhe labendlulako bayawumangala kakhulu, bahleke lusulu ngenca yemanceba alo.

Sililo 2:15

Bonkhe labo labendlula ngakuwe bashaya tandla tabo ngawe. Bayancifa, banikine tinhloko ngayo iNdvodzakati yaseJerusalema, batsi: “Kungabe kambe ngilo leli lelidolobha lelalibitwa ngekutsi kuphelela kwebuhle, nenjabulo yemhlaba wonkhe?”

Hezekeli 25:6

Ngobe naku lokushiwo yiNkhosi Simakadze, itsi: Njengobe ushaye tandla takho wagidza ngetinyawo takho, wajabula ngabo bonkhe bubi benhlitiyo yakho umelene nelive laka-Israyeli,

Mikha 6:16

Loko kuyakwenteka, ngobe nilandzele imikhuba lemibi yenkhosi Omri nendvodzana yakhe Ahabi. Nichubeke nalandzela imitsetfo yabo, ngaloko-ke ngiyawunibhubhisa; bonkhe bantfu bayawunibukela phansi. Bantfu yonkhe indzawo bayawunedzelela ngendzelelo.”

Nahume 3:19

Kute lokungelapha lesilondza sakho, lelinceba lakho linengati yekufa. Bonkhe labo labeva letindzaba takho bagidza batibetsele. Utsi ukhona nje lowase waphunyula wasindza kulolunya lwakho lolungenamkhawulo?

Zefaniya 2:15

Leli lidolobha lelinganaki lutfo, lelaliphila liphephile. Latikhulumela lona, latsi: “Ngimi ngimi, kute futsi lelinye ngaphandle kwami.” Maye, imbhubhiso lese lingiyo, seliyindzawo yekubutsanela tilwane tesiganga! Bonkhe labendlula ngakulo bayalishalatelela, balihheletele ngetandla tabo.

Sembulo 18:20

Jabulani, nitfokote, nine mazulu. Jabulani nani labangcwele, nani baphostoli, nani baphrofethi; ngobe Nkulunkulu sewuyehlulele iBhabhulona, waniphindziselela kuyo!