Jobe 27:16 - Siswati 1996 Bible

¹⁶ Nome ngabe ubutsisa ticumbi tesiliva kube shangatsi lutfuli, abutsise tembatfo njengeticumbi telibumba,

Jobe 27:16 ပူးပေါင်းရင်းမြစ်များ

1 Emakhosi 10:27

Inkhosi yenta isiliva yandza eJerusalema, yaze yafanana nelukhetse, nemisedari yayiminyenti njengetihlahla temakhiwa etsafeni.

Esta 8:1

Ngalona lelo langa inkhosi Ahashiveroshi yadla tonkhe timphahla taHamani, sitsa nemhluphi wemaJuda, watinika inkhosikati Esta, tema ngaye. Esta walandzisa inkhosi ngekuhlobana kwabo naModekhayi; ngako kusukela ngalelo langa Modekhayi waba nemvume yekungena endlunkhulu.

Jobe 15:29

Angeke asanjinga, nalomcebo wakhe ungeke ukhonse, netimphahla takhe tingeke tandze eveni.

Jobe 20:10

Bantfwabakhe kufanele bahlawule kulabamphofu, tandla takhe kufanele tibuyisele umcebo wakhe.

Jobe 22:24

utsatse nalamatje laligugu uwalahle elutfulini, igolide yakho yase-Ofiri uyilahle emadvwaleni asetigodzini,

Jobe 27:15

Sifo siyawuyicotfula insali yakhe, nebafelokati babo bangeke babalilele.

Jobe 27:17

letimphahla letibutsiswa libibi tiyakwembatfwa ngulabalungile, kutsi labangenacala behlukaniselane lesiliva yakhe.

Jobe 3:15

Ngabe ngitiphumulele nebabusi lababenegolide, bagcwalisa tindlu tabo ngesiliva.

Taga 13:22

Lifa lemuntfu lolungile lidliwa titukulwane takhe; kodvwa ingcebo lempongiswa soni igcina ilifa lalabalungile.

Umshumayeli 2:26

Nkulunkulu uphana ngekuhlakanipha, nangelwati kanye nangenjabulo kumuntfu lotfokotisa yena, kodvwa soni usinika umshikashika wekubutsisa nekucongelela bunjinga, kuze kunikwe lowo lotfokotisa Nkulunkulu. Nako loko kulite, kufanana nekucosha umoya.

Habakhuki 2:6

“Abayikumchukuluta bonkhe yini ngemagama ekumeya, bahlekise ngaye batsi: ‘Maye kulowo lompongisa timphahla letebiwe, atinjingise ngekweba! Loku kutawuchubeka kuze kube ngunini?’

Zefaniya 1:11

Hhewulani, nine lenihlala esigodzini semakethe, bonkhe batsengisi benu batawucitfwa baphele, bonkhe labatsenga batsengise ngesiliva bayawubhujiswa.

Zakhariya 9:3

IThire yona seyitakhele inqaba; seyicokelele isiliva kwaba shangatsi lutfuli, negolide njengeludzaka lwasesitaladini.

Matewu 6:19

“Ningatibekeli umcebo wenu lapha emhlabeni, ngobe umvunya nekutfomba kutawudla, nemasela angagcekeza awube.

YaJakobe 5:2

Lengcebo yenu seyiyabola, netingubo tenu setidliwa ngumvunya.