Jobe 27:14 - Siswati 1996 Bible

¹⁴ Nome bantfwabakhe bangaba banyenti, noko bayawuphelela enkembeni, netitukulwane takhe tingeke tibe nekudla lokwenele.

Jobe 27:14 ပူးပေါင်းရင်းမြစ်များ

Esta 5:11

Hamani wabatekela ababalela nebantfwabakhe kutsi banyenti kanganani, abatjela nekutsi inkhosi imkhuphule kanjani yamenta ndvunankhulu, nekutsi yena ubaluleke kanganani kunato tonkhe tindvuna tenkhosi.

Jobe 15:22

Akakholwa kutsi utawubuyela ebumnyameni. Vele, uyawuphelela enkembeni.

Jobe 18:19

Akasenabantfwana, nabatukulu sewute emkhatsini webantfu bakubo; kute insali lapho ake wahlala khona.

Jobe 20:10

Bantfwabakhe kufanele bahlawule kulabamphofu, tandla takhe kufanele tibuyisele umcebo wakhe.

Jobe 4:11

Libhubesi libulawa kweswela kudla, emawundlu elibhubesi abaleke asabalale.

Tihlabelelo 109:10

Shangatsi bantfwabakhe bangaba tindzindzi letiphila ngekucela; shangatsi bangakhishwa nakuto letindzala labahlala kuto kwamanje.

Tihlabelelo 109:13

Shangatsi intalelwane yakhe ingaphela nya; libito lakhe lesulwe esitukulwaneni lesitako.

Lukha 23:29

Ngobe ayeta emalanga lapho bayawutsi: ‘Maye, baba nenhlanhla labo bafati labangazange batale bantfwana, nalawo mabele langazange amunyise.’

Dutheronomi 28:32

Emadvodzana nemadvodzakati enu ayawutsatfwa aniketelwe kuletinye tive, nine niyawugugelwa ngemehlo solomane niwagolotele imihla ngemihla, ningasenamandla ngisho newekuphakamisa sandla.

Dutheronomi 28:41

Niyawuba nemadvodzana nemadvodzakati, kodvwa akayiwuhlala nani, ngobe ayawutfunjwa.

1 Samuweli 2:5

Labo lababesutsa sebaticashisela kudla, kodvwa labo labebalambile abasalambi. Lowo labeyinyumba sewutele bantfwana labasikhombisa, kodvwa lowo labenebantfwana labanyenti sewuyandzindza.