Jobe 26:8 - Siswati 1996 Bible

⁸ Ugocota emanti emafini akhe, noko lawo manti akavuti kulamafu.

Jobe 26:8 ပူးပေါင်းရင်းမြစ်များ

Taga 30:4

“Ngubani lowake waya ezulwini waphindze wabuya? Ngubani lophetse imimoya etandleni takhe? Ngubani logocotele emanti ngengubo yakhe? Ngubani lowamisa yonkhe imikhawulo yemhlaba? Ngubani libito lakhe nelendvodzana yakhe? Ungangitjela nje?

Jeremiya 10:13

Utsi nakabhavumula, emanti asemazulwini advume; ukhuphula emafu emikhawulweni yemhlaba. Utfumela imibane kanye nemvula, akhiphe umoya lohhushako etingungwini takhe.

Isaya 5:6

Ngitawusenta sibe siganga lesingenalutfo, nemvini longatsenwa, nemhlaba waso awuyikulinywa. Kuyawukwena tinchachabutane nemanyeva. Ngitawuyala nemafu kutsi anganisi imvula kuso.”

Tihlabelelo 135:7

Nguye lokhuphula tinkhungu emikhawulweni yemhlaba. Wenta imibane ilandzelwe yimvula. Ukhipha imimoya etingosini takhe.

Jobe 38:37

Ngubani nje lohlakaniphe kangangekutsi angabala emafu? Ngubani longagoboncisa timbita temanti tasemazulwini,

Jobe 38:9

ngesikhatsi ngenta emafu aba yingubo yalo ngilugocota ngebumnyama lobukhulukati,

Jobe 36:29

Ngubani nje longacondzisisa kutsi uwendlala kanjani emafu? Udvuma kanjani nje endzaweni yakhe yekuhlala?

Tihlabelelo 147:8

Yena losibekela sibhakabhaka ngemafu, alungisele umhlaba imvula, ahlumise tjani etintsabeni.

Taga 8:28

mhlazana asimisa emafu etulu, acinisa imitfombo yetilwandle,