Jobe 26:14 - Siswati 1996 Bible

¹⁴ Lawa ngemacentselo nje emisebenti yakhe. Maye, lokukhulunywa ngaye sikuva kalufifi! Ngubani nje longakucondza kudvuma kwemandla akhe?”

Jobe 26:14 ပူးပေါင်းရင်းမြစ်များ

Jobe 36:29

Ngubani nje longacondzisisa kutsi uwendlala kanjani emafu? Udvuma kanjani nje endzaweni yakhe yekuhlala?

Jobe 37:4

Emvakwaloko kuta umsindvo wekudvuma kwakhe, ubhavumula ngelivi lakhe lebukhosi. Liphimbo lakhe lingabhavumula akusali lutfo lunganyakati.

Jobe 37:5

Liphimbo laNkulunkulu libhavumula ngetindlela letimangalisako. Wenta tintfo letinyenti letinkhulu naletingetulu kwetingcondvo tetfu.

Jobe 4:12

“Kwanyenyiselwa livi kimi, tindlebe tami takubamba loko lokwakuhletjwa.

Jobe 40:9

Unawo yini umkhono lofanana newaNkulunkulu? Lona liphimbo lakho liyadvuma yini njengelakhe?

Jobe 42:5

Tindlebe tami setike teva ngawe, kodvwa nyalo emehlo ami asakubonile.

Tihlabelelo 139:6

Indlela longati ngayo iyangimangalisa, iphakeme, ngingeke ngifinyelele kuyo.

Tihlabelelo 145:3

Mkhulu Simakadze, ufanele kudvunyiswa kakhulu, bukhulu bakhe abuphenyisiseki.

Tihlabelelo 29:3

Liphimbo laSimakadze lisetikwemanti, Nkulunkulu weludvumo uyadvuma, Simakadze usetikwemanti lamanyenti.

Umshumayeli 11:5

Njengobe ungati kutsi umoya uvelaphi, nekutsi kwenteka kanjani kutsi umfati lotetfwele abe nemtimba lonemoya lophilako esiswini sakhe, kanjalo ungeke wati kutsi Nkulunkulu uMdali wako konkhe, usebenta kanjani.

Habakhuki 3:4

Kucwebetela kwakhe kunjengekuphuma kwelilanga; kubaneka imisebe etandleni takhe, lapho kufihlakele khona emandla akhe.

KubaseRoma 11:33

Maye, kujula kwemcebo, nekwenhlakanipho, nekwelwati lwaNkulunkulu! Ngubani nje longaphenya kwehlulela kwakhe ahlolisise imfihlakalo yetindlela takhe?

1 Samuweli 2:10

Labo labamelene naSimakadze bayawuphihlika babe timvutfu. Uyawudvuma etikwabo asezulwini lakhe. Simakadze uyakwehlulela imikhawulo yonkhe yemhlaba. Inkhosi yakhe uyawuyinika emandla, aphakamise emandla alogcotjiwe wakhe.”