Jobe 24:20 - Siswati 1996 Bible

²⁰ Sibeletfo siyabakhohlwa, badliwe timphetfu; lababi abasakhunjulwa, kodvwa babhidlika njengesihlahla lesibolile.

Jobe 24:20 ပူးပေါင်းရင်းမြစ်များ

Jobe 17:14

kube bengingatsi kulokubola: ‘Wena ungubabe,’ nasetimphetfwini ngitsi: ‘Wena ungumake,’ nome: ‘Ungudzadzewetfu,’

Jobe 19:10

Ungidladlabula ngala nangala ngize ngingabikho, uzuphuna litsemba lami njengelukhula.

Jobe 19:26

Ngisho nome umtimba wami sewubhujisiwe, kodvwa noko emtimbeni wami ngiyawumbona Nkulunkulu.

Jobe 21:26

Bobabili balala kanyekanye elutfulini, netimphetfu tibahlasela ngalokufananako bobabili.

Jobe 3:13

Ngobe manje ngabe ngitilalele ngekuthula; yebo, ngabe ngitilalele ekuphumuleni.

Tihlabelelo 34:16

Buso baSimakadze buphambene nalabenta lokubi, kuze abashabalalise, bangabe basakhunjulwa emhlabeni.

Taga 10:7

Kukhunjulwa kwemuntfu lolungile kuyawuba sibusiso; kodvwa libito lalomubi liyawubhubha.

Umshumayeli 8:10

Ngase ngabona lababi, babengcwatjwa, labo babephuma bangena endzaweni lengcwele babatjatwe badvunyiswe edolobheni lapho bebakwenta khona loko. Nako loko kulite.

Isaya 26:14

Nyalo asafile lawo makhosi, akasaphili, lowo moya wawo lowanyamalala awube usaphindza uvuke. Wawajezisa wawabhubhisa, wesula konkhe kukhunjulwa kwawo.

Isaya 49:15

“Umfati angalukhohlwa yini luswane lolusesebeleni lakhe nekutsi abete sihawu kumntfwana lamtalako? Nome angakhohlwa, kodvwa mine ngingeke ngikukhohlwe wena.

Danyela 4:14

Samemeta ngelivi lelikhulu, satsi: ‘Sijube leso sihlahla, ucote emagala aso; phundla emacembe aso, usakate titselo taso. Tilwane letingaphansi kwaso atibaleke, netinyoni letisemagaleni aso tindize tisuke kuso.

Matewu 3:10

Nanyalo lizembe libekiwe etimphandzeni tetihlahla, ngako-ke sihlahla lesingatseli titselo letihle siyajutjwa sifakwe emlilweni.