7 Labadzangele awuzange ubanatsise emanti, nalabalambile wabema kudla,
“Nangabe angikahlangabetani neticelo talabamphofu, nome-ke ngenta emehlo emfelokati aphophota tinyembeti,
nangabe ngatigodlela mine kudla kwami, ngangete ngahlephulelana nalabatintsandzane,
Bantfu labasekhaya kami abazange sebasho yini batsi: ‘Ngubani longazange asayidle ayesutse inyama yakaJobe?’
Labamphofu ubapha ngekukhululeka; kulunga kwakhe kuyawuma kuze kube phakadze. Uyawuba nemandla, ahlonipheke.
Lowo lopha lomphofu uboleka Simakadze; Simakadze uyakumvuza ngaloko lakwentile.
nawutinikela ekondleni labalambile, wenetise tidzingo talabacindzetelwe, ngulapho-ke kukhanya kwakho kuyawuphuma ebumnyameni kukukhanyisele, nebusuku bakho buyawufanana nasemini kala bha.
Akusiko yini kuhlephulelana kudla kwakho nalabalambile, nekulalisa tihambi endlini yakho, nekutsi nawubona lohlubulile umembulele, ungagucukeli labo labayinyama nengati yakho?
Ayicindzeteli muntfu nome-ke ifune sibambiso sesebolekiso. Ayidleleli muntfu, kodvwa inikela ngekudla kwayo kulabalambile nangetintfo tekwembatsa kulabangcunu.
Akacindzeteli muntfu, kodvwa ubuyisela sibambiso lasitsatsile nakenta sebolekiso. Akadleleli, kodvwa wephana nangekudla kwakhe kulabalambile, anikele ngekwekwembatsa kulabo labahlubulile.
Ngobe ngangilambile, kodvwa aningiphanga kudla; ngangomile, aninginatsisanga.
Cha, “nangabe sitsa sakho silambile, siphe kudla, nangabe somile, sinatsise; ngobe ngekwenta njalo utawube umtsela ngemahloni ekutisola.”