Jobe 22:25 - Siswati 1996 Bible

²⁵ Somandla-ke uyakuba yigolide yakho, isiliva yakho yelikhetselo lelisembili.

Jobe 22:25 ပူးပေါင်းရင်းမြစ်များ

Genesisi 15:1

Emvakwaloko livi laSimakadze lefika ku-Abrama ngembono, latsi: “Abrama, ungesabi. Ngisihlangu sakho, umvuzo wakho utawuba mkhulu.”

Jobe 22:24

utsatse nalamatje laligugu uwalahle elutfulini, igolide yakho yase-Ofiri uyilahle emadvwaleni asetigodzini,

Jobe 22:26

Impela, Somandla uyakuba kujabula kwakho, wenyusele buso bakho kuNkulunkulu.

Jobe 3:15

Ngabe ngitiphumulele nebabusi lababenegolide, bagcwalisa tindlu tabo ngesiliva.

Tihlabelelo 18:2

Simakadze, ulidvwala lami, nenqaba yami, neMkhululi wami. Nkulunkulu wami, ulidvwala lami lengiphephela kulo. Usihlangu sami sekungivikela nemandla ensindziso yami. Yena ungumgedze wami wekubhaca.

Tihlabelelo 84:11

Ngobe Simakadze, Nkulunkulu ulilanga letfu nesihlangu sekusivikela. Simakadze usipha umusa asente sihlonipheke. Angeke abagodlele lutfo loluhle labo labahamba ngebucotfo embikwakhe.

Isaya 33:6

Utawuba sisekelo sakho lesingusonasona ngawo onkhe emalanga akho, abe lifa lakho lensindziso, nelekuhlakanipha, nelwati. Kwesaba Simakadze kungumcebo wakhe.

Isaya 41:10

Ngako-ke ungesabi, ngobe mine nginawe; ungajabhi, ngobe mine nginguNkulunkulu wakho. Ngitakucinisa ngikusite, ngiyakukubamba ngesandla sami sekudla lesilungile.

Sililo 3:24

Ngiyatitjela ngitsi: “Simakadze usabelo sami, ngako ngitawulindzela yena.”

KubaseRoma 8:31

Siyawutsini-ke ngaloku? Nangabe Nkulunkulu angakitsi ngubani longamelana natsi?

2 kubaseKorinthe 6:10

Siviswa buhlungu, kodvwa sitfokota njalonjalo. Siphuyile, kodvwa banyenti lesibanjingisako. Asinalutfo, kodvwa sinako konkhe.

YaJakobe 2:5

Ase nilalele, bazalwane bami labatsandzekako! Nkulunkulu akabakhetsanga yini labaphuyile lapha emhlabeni kutsi babe ngulabacebile ekukholweni, netindlalifa embusweni lawetsembisa labo labamtsandzako?