Jobe 22:24 - Siswati 1996 Bible

²⁴ utsatse nalamatje laligugu uwalahle elutfulini, igolide yakho yase-Ofiri uyilahle emadvwaleni asetigodzini,

Jobe 22:24 ပူးပေါင်းရင်းမြစ်များ

Genesisi 10:29

na-Ofiri, naHavila, naJobabi. Bonkhe laba kwakungemadvodzana aJokthane.

1 Emakhosi 10:11

[Imikhumbi yaHiramu leyayetfwala igolide iyitsatsa e-Ofiri, lapho yayiphindze itsatse nemitfwalo lemikhulu yetingodvo te-almugi neyematje laligugu.

1 Emakhosi 10:21

Tonkhe tindzebe taSolomoni tekunatsa tatentiwe ngegolide, kantsi tonkhe tintfo talapha endlini yeLihlatsi laseLebanoni tatentiwe ngegolide lecengekile. Kute nakunye lokwakwentiwe ngesiliva, ngobe isiliva yayingakabaluleki kakhulu ngaleto tikhatsi taSolomoni.

1 Emakhosi 22:48

Jehoshafati wakha imikhumbi yekuhweba elwandle kutsi ibohamba iye e-Ofiri, ilandze igolide, kodvwa noko ayizange iphumelele kuhamba, ngobe yephukela e-Esiyoni Geberi.

1 Emakhosi 9:28

Abehamba ngemkhumbi aye e-Ofiri, abuye negolide leyayingemakhilogremu langetulu kweti-14 000, afike ayetfule enkhosini Solomoni.

1 Tikhronike 1:23

na-Ofiri, naHavila, naJobabi. Bonkhe laba bekungemadvodzana aJokthane.

2 Tikhronike 1:5

Kodvwa lelilati lelitfusi lelalakhiwe nguBesaleli, umsa wa-Uri, lotalwa nguHure, lalisolomane liseGibeyoni embikwelithende laSimakadze. Ngako-ke boSolomoni nelibandla lakhe bafike bambuta Simakadze.

2 Tikhronike 9:10

[Emadvodza akaHiramu nalamadvodza akaSolomoni atfutsetela igolide ayisusa e-Ofiri, aletsa netingodvo te-almugi kanye nematje laligugu.

2 Tikhronike 9:27

Inkhosi yenta isiliva yandza eJerusalema, yaze yafanana nelukhetse, nemsedari waba mnyenti njengetihlahla temkhiwa etsafeni.

Jobe 22:25

Somandla-ke uyakuba yigolide yakho, isiliva yakho yelikhetselo lelisembili.

Jobe 31:24

“Nangabe bengibeke litsemba lami egolideni, nome ngasho kuyo igolide lecengiwe ngatsi: ‘Wena usivikelo sami,’

Jobe 31:25

nangabe ngangijatjuliswa bunjinga bami, umcebo lowawakhiwe tandla tami,

Tihlabelelo 45:9

Emadvodzakati emakhosi asemkhatsini wetintfombi takho telikhetselo; nangesandleni sakho sangesekudla kume indlovukazi levunule tembatfo tegolide yase-Ofiri.

Isaya 13:12

Umuntfu ngiyakumenta asweleke kakhulu kunegolide lecengekile, ngimente abe yindlala kunegolide yase-Ofiri, lengatfolakali kalula.