Jobe 21:33 - Siswati 1996 Bible

³³ Lenhlabatsi yesigodzi iyanongotela kuye, bonkhe bantfu balandzela yena, sicumbi lesikhulu sihamba embikwakhe.

Jobe 21:33 ပူးပေါင်းရင်းမြစ်များ

KumaHebheru 9:27

Bantfu bamiselwe kutsi bafe kanye, bese kutsi emvakwaloko bayekwehlulelwa.

Jobe 30:23

Ngiyati kutsi uyawungehlisela phansi kulabafile, endzaweni lemiselwe bonkhe labaphilako.

Umshumayeli 12:7

Mkhumbule yena, lutfuli lusengakabuyeli emhlabatsini, lapho lwatsatfwa khona, nemoya usengakabuyeli kuNkulunkulu lowawuniketa.

Umshumayeli 8:8

Kute umuntfu lonemandla ekubamba umoya, futsi kute nalonemandla ekujikisa lilanga lekufa kwakhe. Njengobe kute umuntfu lokhululekile nakuliwa imphi, kanjalo futsi nebubi bungeke bubakhulule labo lababentako.

Umshumayeli 1:4

Titukulwane tiyefika, titukulwane tiyendlula, kodvwa umhlaba uyakusala unjalo phakadze naphakadze.

Jobe 24:24

Kwesikhashana nje bayaphakanyiswa banotse, emvakwaloko sebayanyamalala, bayatfotjiswa, batsatfwe njengabo bonkhe, basikwe njengesikhwebu eluhlangeni.

Jobe 17:16

Litakwehla yini liye emasangweni ekufa? Sitakwehlela elutfulini kanyekanye yini?”

Jobe 3:22

Kunikelwani bantfu labakujabulelako kufika ethuneni, batsakase nabafinyelela emadlizeni?

Genesisi 3:19

Uyawusebenta kamatima, ukujulukele kudla kwakho, udzimate ubuyele emhlabatsini, ngobe vele watsatfwa kuwo; njengobe ulutfuli, uyawubuyela elutfulini.”

Jobe 21:32

Uyetfwalwa ayiswe edlizeni, lithuna lakhe lihlala ligadziwe.