Jobe 21:25 - Siswati 1996 Bible

²⁵ Lomunye ufa anelusizi emphefumulweni, angazange sekativele nome ngabe yini lemnandzi.

Jobe 21:25 ပူးပေါင်းရင်းမြစ်များ

2 Samuweli 17:8

Uyamati uyihlo kanye nalamadvodza akakhe kutsi tingwazi, besabeka njengelibhele lesiganga nalemukwe emazinyane alo. Ngaphandle nje kwaloko, babe wakho ngunsukuwansuku, ngukadzebona, angeke alale emkhatsini walamabutfo akhe ebusuku.

1 Emakhosi 17:12

Lomfelokati waphendvula watsi: “Ngifunga kuphila kwaSimakadze Nkulunkulu wakho, ngitsi: Ngite nasinye sinkhwa. Nginengcosana nje yafulaha esitjeni, nenseketse yemafutsa eludziweni. Bengisasabutela tinkhunyana nje lapha, kutsi ngiye ekhaya ngitiphekele mine kanye nendvodzana yami, kuze sidle, emvakwaloko bese siyafa.”

Jobe 10:1

“Seyiyangicansula yona lemphilo yami. Ngako-ke ngitawusola ngenkhululeko, ngikhulume ngiphumisele bumunyu bemphefumulo wami.

Jobe 20:23

Uyawutsi nase agcwalise umkhaba wakhe, Nkulunkulu ehlisele intfukutselo yakhe etikwakhe, ehlisele nemvula yemijijimeto yakhe etikwakhe.

Jobe 21:24

umtimba wakhe uphatseke kahle, nematsambo akhe agcwele umnkantja.

Jobe 21:26

Bobabili balala kanyekanye elutfulini, netimphetfu tibahlasela ngalokufananako bobabili.

Jobe 3:20

“Kukhanya kunikelwani bantfu labaselusizini? Kona kuphila kunikelwani umuntfu lomphefumulo wakhe udzabukile?

Jobe 7:11

“Ngako ngingeke ngithule, ngitawukhuluma ngikuletinhlungu temoya wami, ngikhonone kulobumunyu bemphefumulo wami.

Jobe 9:18

Abengeke angivumele ngiphindze ngitfole umphefumulo wami, kodvwa abeyawungifumbela ngekudzabuka nje.

Taga 14:10

Inhlitiyo yemuntfu buhlungu bayo itetfwalela yona yodvwa, futsi kute longase abe nesabelo ekujabuleni kwayo.

Umshumayeli 6:2

Nkulunkulu upha umuntfu ingcebo, netimphahla letinyenti, nekuhlonipheka, kuze kutsi kubete lakweswelako lokufiswa yinhlitiyo yakhe, kodvwa Nkulunkulu angamvumeli kutsi atijabulise ngayo, esikhundleni saloko kube ngumfokati nje lotijabulisa ngayo. Nako loko kulite nemvisabuhlungu lembi.

Hezekeli 12:18

“Ndvodzana yemuntfu, tfutfumela nawudla kudla kwakho; yebo, utfutfumele ngekwesaba usanatsa emanti akho.