Jobe 21:22 - Siswati 1996 Bible

²² “Ukhona yini umuntfu longafundzisa Nkulunkulu lwati? Ngobe yena wehlulela ngisho nalabangetulu kwabo bonkhe.

Jobe 21:22 ပူးပေါင်းရင်းမြစ်များ

Jobe 15:15

Nangabe Nkulunkulu akabetsembi labangcwele bakhe, nangabe ngisho nemazulu akahlanteki emehlweni akhe,

Jobe 21:21

Ngobe unandzabani nemndeni lawushiya ngemuva, nakufika kuphela kwetinsuku tekuphila kwakhe?

Jobe 35:11

losifundzisa lokunyenti tsine kunetilwane temhlaba, asente sihlakaniphe kakhulu kunetinyoni letindiza emoyeni?’

Jobe 36:22

“Nkulunkulu uphakeme emandleni akhe, ngubani nje lofundzisa njengaye?

Jobe 36:23

Ukhona yini lowake watjela Nkulunkulu kutsi kufanele enteni, nome-ke atsi: ‘Wonile’?

Jobe 38:3

Bhukula-ke njengendvodza; ngitakubuta, wena ungiphendvule.

Jobe 4:18

Nangabe Nkulunkulu angatetsembi tinceku takhe, nangabe tingilosi takhe atibeka licala,

Jobe 40:2

“Lona lophikisana naSomandla angamkhombisa yini indlela? Lowo lobeka Nkulunkulu licala akamphendvule!”

Tihlabelelo 82:1

Nkulunkulu ukhuluma emhlanganweni lomkhulu, wehlulela bonkulunkulu utsi:

Umshumayeli 5:8

Nawubona lophuyile acindzetelwe endzaweni letsite, asemukwe emalungelo akhe nekwehlulelwa ngebucotfo, kungakumangalisi loko. Lowo nalowo lophetse unemuntfu longetulu kwakhe, kantsi nalowo longetulu kwakhe unemuntfu longetulu kwabo bonkhe.

Isaya 45:9

Maye kulowo lolwa neMenti wakhe, kuye lowo loludzengelo nje emkhatsini wetindzengelo temhlaba. Libumba like lisho yini kumbumbi walo litsi: ‘Ubumbani?’ Umsebenti wakho ungake usho yini utsi: ‘Ute tandla’?

Jeremiya 23:18

“Kodvwa ngubani emkhatsini wabo loke wema ebandleni laSimakadze kutsi abone nome eve livi lakhe? Ngubani lolalele weva livi lakhe?

KubaseRoma 11:34

“Ngubani lowase wati ingcondvo yeNkhosi, nome-ke, lowase waba ngumeluleki wayo?

1 kubaseKorinthe 2:16

UmBhalo utsi: “Ngubani lowati umcondvo weNkhosi? Ngubani longayifundzisa?” Kodvwa tsine sinawo umcondvo waKhristu.

1 kubaseKorinthe 6:3

Anati yini kutsi siyakwehlulela ngisho netingilosi? Kanganani-ke emacala alokuphila kwalamuhla!

2 yaPhetro 2:4

Nkulunkulu akazange atiyekele tingilosi letona, kodvwa watilahla kalasha emigodzini yebumnyama bebumnyama, kutsi titewugcinelwa kwehlulelwa.

YaJuda 1:6

Nikhumbule phela kutsi netingilosi letingabugcinanga bukhosi bato ngekushiya likhaya lato, watigcina ebumnyameni tiboshwe ngetinketane letingasoze tikhunyulwe. Letingilosi timele lilanga lelikhulu lekwehlulelwa.