Jobe 20:26 - Siswati 1996 Bible

²⁶ Bumnyama lobuphatsekako bumlalele endleleni bufune umcebo wakhe. Umlilo longakavutselwa uyakumshwabudzela umcedze, ukudle konkhe lokusele ekhaya kakhe.

Jobe 20:26 ပူးပေါင်းရင်းမြစ်များ

Jobe 15:30

Angeke abubalekele bumnyama, lilangabi liyakubunisa emahlumela akhe, kuphefumula kwemlomo waNkulunkulu kuyawumtsatsa kumlahle khashane.

Jobe 5:14

Behlelwa bumnyama lobukhasa phansi emini, litsi libalele lise nga, bona bahambe baphumphutsa njengasebusuku.

Tihlabelelo 120:4

Niyawujeziswa ngemicibisholo lekhaliphako yemphi; nijeziswe nangemlilo wemalahle embondvo.

Tihlabelelo 21:9

Mhla kubonakala wena, uyawubashisa babe ngumlilo lowesabekako nalohhumako. Simakadze uyawubacedza ngentfukutselo yakhe, abacotfule ngemlilo.

Isaya 30:33

IThofethi seyalungiswa kadzeni, yentiwa yalungela inkhosi. Umgodzi wayo wemlilo sewagujwa waba banti wabuye washona, kwatfotwa netinkhuni letinyenti temlilo; kuphefumula kwaSimakadze lokugeleta njengemfula wesibabule lesivutsako kuyakuyilumeka ivutse.

Isaya 8:22

Bayawube sebabuka phansi emhlabatsini babone inhlupheko yodvwa nebumnyama nelitfunti lelesabekako, nabo bayawulahlelwa ebumnyameni lobesabekako.

Matewu 3:12

Sitja sakhe sekwela sisesandleni sakhe; uyawushanelisisa sibuya sakhe abutsele emabele esilulwini sakhe, kepha emakhoba uyawuwashisa ngemlilo longacimeki.”

Matewu 8:12

Kodvwa bantfwana bembuso bayawukhishelwa ebumnyameni bangaphandle, lapho kuyawuba khona kukhala nekugedletela kwematinyo.”

YaJuda 1:13

Bantfu labanjena banjengemagagasi elwandle, bakhephuta emahlazo abo; batinkhanyeti leteduka lese tagcinelwa bumnyama bebumnyama baphakadze.