Jobe 20:22 - Siswati 1996 Bible

²² Asesekutamaseni kwakhe lusizi luyawumhlasela, emandla lamakhulu elusizi ayawumehlela.

Jobe 20:22 ပူးပေါင်းရင်းမြစ်များ

2 Emakhosi 24:2

Simakadze wamtfumelela emaBhabhulona, nemaSiriya, nemaMowabi, nema-Amoni kutsi atemhlasela. Wabatfumela kutsi batewubhubhisa Juda, ngekulandzela livi laSimakadze lalikhuluma ngetinceku takhe baphrofethi.

Jobe 1:15

kwefika emaSabi asihlasela, atitfumba. Tinceku takho atibulele tonkhe ngenkemba; ngimi kuphela losindzile, ngase ngiyabaleka ngita lapha kuwe kutekwatisa ngaloko!”

Jobe 1:17

Satsi sisakhuluma leso sigijimi, kwefika lesinye, satsi: “EmaKhaledi ente ticheme letintsatfu awatfumba onkhe emakamela akho ahamba nawo. Abulele tonkhe tinceku takho ngenkemba; ngimi kuphela losindzile, ngase ngiyabaleka ngita lapha kuwe kutekwatisa ngaloko!”

Jobe 15:29

Angeke asanjinga, nalomcebo wakhe ungeke ukhonse, netimphahla takhe tingeke tandze eveni.

Jobe 16:11

Nkulunkulu sewungilahlele kubantfu lababi, wangijikijela etidladleni talabangakalungi.

Jobe 18:7

Emandla etinyatselo takhe asayancipha; emacebo akhe asamjika phansi.

Jobe 20:23

Uyawutsi nase agcwalise umkhaba wakhe, Nkulunkulu ehlisele intfukutselo yakhe etikwakhe, ehlisele nemvula yemijijimeto yakhe etikwakhe.

Jobe 3:17

Lapho-ke ngulapho lababi bayekela khona budlova, nalabakhatsatekile lapho bayaphumula.

Jobe 5:5

Sivuno saso sidliwa ngulabalambile, basikhosholote ngisho lesisekhatsi kulamnyama emacobhe. Labomile bahahela umcebo waso kutsi bawufuhlute bawucedze.

Tihlabelelo 39:5

Imihla yami ingangemphama yesandla. Kuphila kwami kubukeka kulite kuwe. Impela, kuphila kwemuntfu kunjengenkhungu. Cabanga.

Isaya 10:6

Ngilitfumela esiveni lesingenaNkulunkulu, ngilikhiphele kubantfu labangitfukutselisako, kutsi lihlutfule imphango, litsatse lokuphangiwe, nekutsi libagcobagcobe phansi njengeludzaka lwendlela.

Sembulo 18:7

Niyihluphe kakhulu, kutfoswa kwayo ngetinhlupho nelusizi lwayo kube ngangekutiphakamisa kwayo nangangekutamasa kwayo. Ngobe enhlitiyweni yayo itsi: ‘Ngihleti njengendlovukazi! Angisiye umfelokati, ngeke ngifelwe, ngilile.’