Jobe 20:14 - Siswati 1996 Bible

¹⁴ kodvwa lokudla kwakhe kutaba munyu esiswini sakhe, kutawugucuka kube sihlungu setinyoka sekungekhatsi ematfunjini akhe.

Jobe 20:14 ပူးပေါင်းရင်းမြစ်များ

Jobe 20:13

naloku angeke akumele nje kuwukhiphela ngephandle, alibele kuvalela lomonakalo emlonyeni wakhe,

Jobe 20:15

Utabukhafula bonkhe lobunjinga labumita, Nkulunkulu utamhlantisa bonkhe lapha esiswini sakhe.

Jobe 20:16

Utawumunya lesihlungu setinyoka; abulawe ngematinyo elibululu.

Jobe 20:23

Uyawutsi nase agcwalise umkhaba wakhe, Nkulunkulu ehlisele intfukutselo yakhe etikwakhe, ehlisele nemvula yemijijimeto yakhe etikwakhe.

Taga 1:31

Ngako-ke batawutfola titselo tetindlela tabo, bacunjiswe ngemacebo abo.

Taga 20:17

Kudla lokutfolakale ngekwebiwa kucala kube njengeluju kulona lokwebile; kodvwa ekugcineni kugcwala umlomo kube shangatsi udla umhlabatsi.

Jeremiya 2:19

Bubi benu butanijezisa, nekuhlubuka kwenu kutanitsetsisa. Cabangani-ke nibukisise kahle kutsi kubi kangakanani nekutsi kunibabela kangakanani, nanishiya Simakadze Nkulunkulu wenu, ningangesabi mine,” kusho Simakadze, Simakadze longuSomandla.

Malakhi 2:2

Naningalaleli, futsi naningatimiseli ngenhlitiyo yenu kutsi nihloniphe Libito lami, ngitanitfumelela sicalekiso, netibusiso tenu ngiticalekise. Yebo, vele sengiticalekisile, ngobe anikatimiseli enhlitiyweni yenu kutsi ningihloniphe,” kusho Simakadze longuSomandla.

KubaseRoma 3:13

umphimbo wabo ulidliza lelikhamisile, ngetilimi tabo bayakhohlisa, ngaphansi kwetindzebe temilomo yabo kubindze shevu webunyoka.

Dutheronomi 32:24

Ngiyawubahlasela ngendlala lephundlako, namashaya acotfule wetifo letibulalanako, kanye netijeziso letibulalako. Ngiyawubahlasela ngetidladla tetilwane tesiganga, nangesihlungu setindlondlo letintjuma elutfulini.