Jobe 19:27 - Siswati 1996 Bible

²⁷ Mine cobo lwami ngiyawumbona ngewami emehlo, mine lo, hhayi lomunye. Maye, inhlitiyo yami seyiyamlangatelela!

Jobe 19:27 ပူးပေါင်းရင်းမြစ်များ

Jobe 33:26

Uyathandaza kuNkulunkulu atfole umusa kuye; ubona buso baNkulunkulu ajabule aze amemete. Nkulunkulu umbuyisela esimeni sakhe sekulunga.

Tihlabelelo 118:6

Simakadze ungakimi angesabi lutfo. Umuntfu angangentani nje?

Tihlabelelo 119:81

Umphefumulo wami ulambele insindziso yakho, litsemba lami ngilibeke evini lakho.

Tihlabelelo 17:15

Mine-ke ngiyawububona buso bakho, ngobe ngingulolungile, mhlazana ngivuka ngiyakweneliswa bukhona bakho.

Tihlabelelo 73:26

Nome umtimba nemphefumulo wami kwehluleka, kodvwa Nkulunkulu ulidvwala lenhlitiyo yami, nesabelo selifa lami ingunaphakadze.

Isaya 26:19

Kodvwa labafile bakho bayawuphila; imitimba yabo iyawuvuka. Nine lenihleti elutfulini lwemhlaba, vukani nimemete ngenjabulo. Ematolo akho anjengematolo asekuseni laphilisako, umhlaba uyawubakhipha labafile bawo.

Isaya 33:17

Emehlo akho ayakuyibona inkhosi ebuhleni bayo, abuke nelive lelingematsafa lamahle.

Numeri 24:17

“Ngiyambona, noko, hhayi nyalo; ngibuke kuye, noko, akekho edvute. Inkhanyeti iyawuvela kuJakobe, intfonga yebukhosi iyawumila ka-Israyeli, uyawupitjita tinhloko tesive sakaMowabi, tinkhakhayi tawo onkhe emadvodza akaShethi.