Jobe 19:14 - Siswati 1996 Bible

¹⁴ Tihlobo tami tingishiyile, bangani bami bangikhohliwe.

Jobe 19:14 ပူးပေါင်းရင်းမြစ်များ

Genesisi 40:23

Noko lomphatsi wetitja akazange amkhumbule Josefa; wamkhohlwa.

2 Samuweli 16:23

Ngaleso sikhatsi, nome ngabe ngusiphi seluleko lesasiletfwa ngu-Ahithofeli sasemukeleka kube shangatsi ngulona livi laNkulunkulu; bobabili boDavide na-Absalomu babevele basilalele.

Jobe 19:15

Tivakasheli tasekhaya kami setiyangiphika kutsi tiyangati; nesisebenti lesisikati sasekhaya kami sesitsi ngisihambi, sebangitsatsa njengemhambuma.

Jobe 19:19

Bonkhe bangani bami lebengitsi bevakala ekhaleni sebayacansuka ngami; labo labatsandzekako kimi sebangigucukele.

Jobe 42:11

Bonkhe bomnakabo, nabodzadzewabo, nabo bonkhe lababemati kucala beta kuye badla naye endlini yakhe. Bamkhalela, bamdvudvuta kuko konkhe loko kuhlupheka Simakadze labekuletse etikwakhe; kwatsi lowo nalowo wamupha luhlavu lwesiliva kanye nendandatho yegolide.

Tihlabelelo 31:12

Angisakhunjulwa ngumuntfu, ngifana nalofile; senginjengembita lefile yalahlwa etaleni.

Tihlabelelo 38:11

Bangani bami nebazalwane bami sebangikhweshele, ngenca yemanceba ami; ngisho nebaketfu imbala sebeme lapha khashane.

Taga 18:24

Labanye bangani bayakuhlamuka; kodvwa labanye bangani basondzela kakhulu kwengca banakenu bengati.

Jeremiya 20:10

Ngiva bayahebeta labanyenti batsi: “Sesabiso yonkhe indzawo! Mcebe! Asimcebe!” Bonkhe bangani bami balindzele mine kutsi ngishelele, batsi: “Mhlawumbe utawuyengeka; khona sitawube sesiyamehlula, sitiphindzisele kuye.”

Sililo 1:2

Ebusuku likhala kabuhlungu, tihlatsi talo tigeleta tinyembeti. Kute namunye longalidvudvuta, kubo bonkhe labalitsandzako. Bonkhe bangani balo balihlamukile, sebagucuke baba titsa talo.

Matewu 10:21

“Kepha umuntfu uyawunikela umnakabo ekufeni, neyise umntfwanakhe; bantfwana bayawuvukela batali babo babanikele ekufeni.

Johane 13:18

“Angikhulumi ngani nonkhe; ngiyabati labo lengibakhetsile. Kodvwa kufanele kugcwaliseke umBhalo lotsi: ‘Lowo lodla sinkhwa sami, sewungigucukele, waphambana nami.’