Jobe 19:13 - Siswati 1996 Bible

¹³ “Ungehlukanise nebazalwane bami, bangigucukela, sengehlukene nalabo bengetayelene nabo.

Jobe 19:13 ပူးပေါင်းရင်းမြစ်များ

Jobe 16:20

Umncuseli wami ungumngani wami, ngesikhatsi emehlo ami aphophota tinyembeti kuNkulunkulu,

Jobe 16:7

Awu! Empeleni, Nkulunkulu, sewungigugisile. Empeleni ubhubhise umndeni wami wonkhe.

Jobe 42:11

Bonkhe bomnakabo, nabodzadzewabo, nabo bonkhe lababemati kucala beta kuye badla naye endlini yakhe. Bamkhalela, bamdvudvuta kuko konkhe loko kuhlupheka Simakadze labekuletse etikwakhe; kwatsi lowo nalowo wamupha luhlavu lwesiliva kanye nendandatho yegolide.

Jobe 6:15

Kodvwa bomnaketfu bangimbulutela njengetibhobhodla temanti, yebo, njengetibhobhodla temanti letiphuphumako tiphindze tome,

Jobe 6:20

Tiyajabha noko, ngobe betetsemba kakhulu, titsi natifika lapho, tijabhe.

Tihlabelelo 31:11

Sengaba yinhlamba ngenca yalabamelene nami, ikakhulu kubomakhelwane bami; labangatiko sebayangesaba, nangihlangana nabo endleleni bayangibalekela.

Tihlabelelo 31:12

Angisakhunjulwa ngumuntfu, ngifana nalofile; senginjengembita lefile yalahlwa etaleni.

Tihlabelelo 38:11

Bangani bami nebazalwane bami sebangikhweshele, ngenca yemanceba ami; ngisho nebaketfu imbala sebeme lapha khashane.

Tihlabelelo 38:12

Bantfu labacondze kungibulala bangetsiye ngetingibe, labacondze kungilimata bakhuluma ngekungicitsa bangibulale, sonkhe sikhatsi bakha emacebo ebubi ngami.

Tihlabelelo 41:9

Ngisho nemngani wami lengangimetsemba, nalengangidla esitjeni sinye naye, sewungidlangele ngebunyoka nebumbulu.

Tihlabelelo 69:20

Kuhlanjalatwa kuwephulile umphefumulo wami, ngadzimate ngaphelelwa nangemandla. Ngacalata ngifuna longangihawukela, kodvwa kwabate lengimbonako. Ngacalata ngifuna nebadvudvuti, nakhona kwabate lengibabonako.

Tihlabelelo 69:8

Sengingumfokati emkhatsini wabomnaketfu, ngingumchamuki nakubantfwana baketfu.

Tihlabelelo 69:9

Ngidliwa kushisekela indlu yakho, tinhlamba talabakwetfukako tehlela etikwami.

Tihlabelelo 88:18

Sihlobo sami nemngani wami ubacoshile, bakhashane nami; bumnyama sebungumngani wami.

Tihlabelelo 88:8

Bangani bami ubakhweshisile kimi, wangenta ngaba sinengiso kubo. Ngivalelekile, angikhoni kuphuma.

Sililo 1:19

“Ngabamemeta labo labangakimi, kodvwa bona bangihlamuka. Baphristi bami, nebaholi bami babhubhela edolobheni, ngesikhatsi balibele kuchwandza kudla batsi betama kutiphilisa.

Sililo 1:2

Ebusuku likhala kabuhlungu, tihlatsi talo tigeleta tinyembeti. Kute namunye longalidvudvuta, kubo bonkhe labalitsandzako. Bonkhe bangani balo balihlamukile, sebagucuke baba titsa talo.

Matewu 26:56

Kodvwa konkhe loku kwentekele kutsi kugcwaliseke loko lokwabhalwa baphrofethi emiBhalweni.” Bafundzi bakhe bonkhe bamshiya khona lapho, babaleka.

2 kuThimothi 4:16

Ekutiphendvuleleni kwami kwekucala kute ngisho namunye lowangimela, bonkhe bangilahla. Abangabekelwa sono!