Jobe 18:16 - Siswati 1996 Bible

¹⁶ Timphandze takhe tiyoma lapha ngaphansi kwakhe, nemagala akhe asayabuna lapha ngetulu.

Jobe 18:16 ပူးပေါင်းရင်းမြစ်များ

Jobe 15:30

Angeke abubalekele bumnyama, lilangabi liyakubunisa emahlumela akhe, kuphefumula kwemlomo waNkulunkulu kuyawumtsatsa kumlahle khashane.

Jobe 15:32

Kuyawutsi sikhatsi sakhe singakefiki, akhokhelwe ngalokuphelele. Emagala akhe akayiwucwebetela, kodvwa ayawubuna.

Jobe 29:19

Timphandze tami titawutfunguluta tize tifike emantini, ematolo alale emagaleni ami busuku bonkhe.

Jobe 8:17

Situngeletela timphandze taso encunjini yematje, setame kufuna indzawo lapho emkhatsini walamatje.

Isaya 14:20

ungeke usangcwatjwa kanye nalamanye emakhosi, ngobe ulibhubhisile live lakho, wabulala bantfu bakini. “Situkulwane semuntfu lomubi ngeke kuphindze kukhulunywe ngaso.

Isaya 5:24

Ngako-ke, njengobe lulwimi lwemlilo lukhotsa tibi, nanjengobe tjani lobomile bushona phansi, nabushiswa ngemalangabi, kanjalo timphandze tabo tiyawubola, netimbali tabo tiphephuke njengelutfuli; ngobe bawalile umtsetfo waSimakadze longuSomandla, bedzelela livi laLongcwele waka-Israyeli.

Hoseya 9:16

Efrayimu uhushekile, imphandze yakhe ibunile, akasatseli titselo. Ngisho nome bangatala bantfwana, ngiyakuyibulala leyo mbewu yabo labayitsandzako.”

Amose 2:9

“Kepha mine ngawabhubhisa ema-Amori embikwenu, nome abemadze njengemisedari acine njengema-okhi. Ngabhubhisa netitselo tawo ngetulu netimphandze tawo ngaphansi.

Malakhi 4:1

“Impela lilanga liyeta; liyawushisa njengemlilo lowesabekako nalohhumako. Bonkhe labatigcabhako bangangihloniphi nalabenta lokubi bayawuba tinhlanga, lelo langa lelitako liyawubalumekela ngemlilo,” kusho Simakadze longuSomandla. “Kute imphandze nome ligala leliyawusala kubo.