Jobe 17:13 - Siswati 1996 Bible

¹³ Kube-ke likhaya lami lebekulitsemba lami lekugcina bekulithuna, kube-ke bengendlele licansi lami ebumnyameni,

Jobe 17:13 ပူးပေါင်းရင်းမြစ်များ

Jobe 14:14

Nangabe umuntfu afa, uyawuphindze aphile yini? Kuwo onkhe emalanga ekusebenta kwami kamatima ngiyakuma kuze kufike kuvuseleleka kwami.

Jobe 17:1

“Umoya wami wephukile, emalanga ami ajutjiwe aba mafisha, sengimelwe lithuna.

Jobe 17:12

Lamadvodza lawa agucula busuku bube yimini, kutsi ekhatsi nebusuku batsi bona: ‘Sekuyasa.’

Jobe 3:13

Ngobe manje ngabe ngitilalele ngekuthula; yebo, ngabe ngitilalele ekuphumuleni.

Jobe 30:23

Ngiyati kutsi uyawungehlisela phansi kulabafile, endzaweni lemiselwe bonkhe labaphilako.

Jobe 6:11

“Mandlana mani mine lenginawo, kutsi ngisengachubeka ngetsembe? Tsemba lini lengisenalo kutsi ngisengabeketela?

Jobe 7:9

Njengelifu lelinyamalalako ligcina lingasekho, unjalo-ke nemuntfu losaya ethuneni, akaphindzi abuye.

Tihlabelelo 139:8

Nangikhuphukela emazulwini, wena ulapho, nangendlala licansi lami endzaweni yalabafile, wena ulapho.

Tihlabelelo 27:14

Tsemba kuSimakadze, cina ungadzangali, ube nesibindzi. Yebo, tsemba kuSimakadze.

Umshumayeli 12:5

ngesikhatsi bantfu besaba konkhe lokuphakeme, kanye netingoti tasetitaladini, ngesikhatsi tihlahla te-alimondi setichakaza, nentsetse itotoba endleleni yayo, nenkhabunkhabu iphela. Umuntfu uya ekhaya lakhe laphakadze, labalilako bazulazula etitaladini.

Isaya 57:2

Labo labahamba ngebucotfo bangena ekuthuleni; batfola kuphumula, nabangena ekufeni.