Jobe 16:4 - Siswati 1996 Bible

⁴ Nami kodvwa empeleni bengingakhuluma kanjalo, kube nine beningimi nami ngingini. Nami bengingakhuluma ngimelane nani ngemavi lamanyenti, ngininikinele inhloko.

Jobe 16:4 ပူးပေါင်းရင်းမြစ်များ

2 Emakhosi 19:21

Nali-ke livi lelikhulunywe nguSimakadze lelimelene naye, litsi: “ ‘Indvodzakati yaseSiyoni iyakwedzelela, ikubukela phansi. Indvodzakati yaseJerusalema igencetisa inhloko yayo, nawubaleka.

Jobe 11:2

“Onkhe lamavi kufanele angaphendvulwa yini? Lomuntfu lokhuluma kangaka angatsetselelwa yini?

Jobe 16:5

Kodvwa umlomo wami bewunganikhutsata. Indvudvuto lebeyingaphinyiselwa tindzebe temlomo wami beyingaba kuphumula emiphefumulweni yenu.

Jobe 35:16

Ngako-ke Jobe ukhuluma umbhedvo wodvwa nje; ulibala kutsakuta lite nje lodvwa, kodvwa abe angenalwati.”

Jobe 6:14

“Umuntfu losaphelelwa litsemba kufanele akhutsatwe bangani bakhe labetsembekile, nakhona asakufulatsela kwesaba Somandla.

Tihlabelelo 109:25

Ngiyinhlekisa yetitsa tami; nabangibona, banikina tinhloko.

Tihlabelelo 22:7

Bonkhe labangibonako bayangiphukuta, badvubula imilomo bancife, banikine netinhloko, batsi:

Tihlabelelo 22:8

“Phela lowo wetsembele kuSimakadze, akamkhulule yena-ke, loSimakadze wakhe; amphephise, ngobe phela usime ngaye.”

Tihlabelelo 44:14

Usente siga emkhatsini wetive, wasenta saba yintfo yekubukelwa phansi.

Taga 10:19

Kukhuluma lokunyenti kubanga kona, ngako umuntfu lohlakaniphile uyawabamba emavi akhe.

Umshumayeli 10:14

silima siba nemavi lamanyenti. Kodvwa ekugcineni kubate lowatiko kutsi yini letako. Ngubani nje longamtjela kutsi kutakwentekani emvakwakhe?

Isaya 37:22

nali-ke livi lelikhulunywe nguSimakadze lelimelene naye, litsi: “INdvodzakati yaseSiyoni iyakwedzelela, ikubukela phansi. INdvodzakati yaseJerusalema igencetisa inhloko yayo nawubaleka.

Jeremiya 18:16

Live labo liyawusala likhala libhungane, libe yintfo yekuba yinhlekisa; bonkhe labendlulako bayawumangala banikine tinhloko.

Jeremiya 48:27

Israyeli abengasiyo yini intfo yakho yekuhlekisa? Abebanjwe emkhatsini wemasela yini kwekutsi ungaze unikine inhloko uhlekise ngaye njalo nje, nawuphatsa libito lakhe?

Sililo 2:15

Bonkhe labo labendlula ngakuwe bashaya tandla tabo ngawe. Bayancifa, banikine tinhloko ngayo iNdvodzakati yaseJerusalema, batsi: “Kungabe kambe ngilo leli lelidolobha lelalibitwa ngekutsi kuphelela kwebuhle, nenjabulo yemhlaba wonkhe?”

Zefaniya 2:15

Leli lidolobha lelinganaki lutfo, lelaliphila liphephile. Latikhulumela lona, latsi: “Ngimi ngimi, kute futsi lelinye ngaphandle kwami.” Maye, imbhubhiso lese lingiyo, seliyindzawo yekubutsanela tilwane tesiganga! Bonkhe labendlula ngakulo bayalishalatelela, balihheletele ngetandla tabo.

Matewu 7:12

“Ngako-ke konkhe lenifisa kutsi bantfu bakwente kini, kwenteni nani kubo; ngobe ngulowo umgogodla wemtsetfo newemfundziso yebaphrofethi.”

KubaseRoma 12:15

Nijabule nalabajabulako, nikhale nalabakhalako.

1 kubaseKorinthe 12:26

Nangabe kuhlupheka sitfo sinye, kuhlupheka titfo tonkhe kanye naso; nangabe kudvunyiswa sitfo sinye, kujabula titfo tonkhe kanye naso.