Jobe 16:13 - Siswati 1996 Bible

¹³ labanemba ngebutjoki bangikake ngala nangala. Ungijijimeta etinsweni angasenasihawu nami. Inyongo yami icitsekela phansi emhlabatsini.

Jobe 16:13 ပူးပေါင်းရင်းမြစ်များ

Genesisi 49:23

Titsa takhe timhlasela ngalokwesabekako, timcoshe ngebutjoki nangemicibisholo.

Jobe 19:12

Emabutfo akhe ayashuca atengihlasela, akha tindvundvuma tekungivimbetela, akambe atungeleta likhaya lami.

Jobe 19:27

Mine cobo lwami ngiyawumbona ngewami emehlo, mine lo, hhayi lomunye. Maye, inhlitiyo yami seyiyamlangatelela!

Jobe 20:25

Uyakuwudvoncula emhlane wakhe, kudla kwawo kuphume esibindzini, kwesaba kuyawumehlela.

Jobe 25:3

Kukhona yini longabala emabutfo akhe? Kukhona yini lokungafiki kuye kukhanya kwakhe?

Jobe 6:10

Ngobe loko ngukona bekunganginika kuphumula nekutfokota kuleminjunju lengapheli yemahlaba, ngekutsi angikawaphiki emavi aLongcwele.

Jobe 6:4

Imicibisholo yaSomandla ingekhatsi, ingihlabile, umoya wami sewunatse shevu wayo. Tesabiso taNkulunkulu ticondzane nami ngco.

Sililo 2:11

Emehlo ami aluvitsi ngenca yekukhala. Ngiyasha ngiyabhadla emphefumulweni wami, inhlitiyo yami itfululeleke phansi emhlabatsini, ngobe bantfu bakitsi babhujisiwe, bantfwana netinswane kuyacaleka etitaladini telidolobha.

Sililo 2:4

Ujijimete umcibisholo wakhe njengesitsa, sandla sakhe sangesekudla silungele kulwa. Njengesitsa ujube bonkhe labebajabulisa emehlweni; watfulula lulaka lwakhe njengemlilo etikwelithende leNdvodzakati yaseSiyoni.

Sililo 3:11

ungihudvule endleleni, wangisitila, wangishiya ngingenamsiti.

Sililo 3:13

Ugwaze inhlitiyo yami ngemicibisholo yasengculwini yakhe.

Hezekeli 5:11

Ngako-ke ngifunga kuphila kwami, kusho iNkhosi Simakadze, njengobe ungcolise indzawo yami lengcwele ngato tonkhe letitfombe takho letingemanyala nangetento takho letinengekako, ngitakususa lokukubonelela kwami kuwe; ngingeke ngisakubuka ngesihawu nome ngikuphephise.

KubaseRoma 8:32

Yena longazange ayigodle iNdvodzana yakhe, kodvwa wayinikela ngenca yetfu sonkhe, pho, akayusinika yini tonkhe tintfo mahhala kanye nayo?

Dutheronomi 29:20

Simakadze akayiwuze avume kumcolela, intfukutselo yaSimakadze nelulaka lwakhe luyakumvutsela lowo muntfu. Tonkhe ticalekiso letibhalwe kulencwadzi tiyawukwehlela etikwakhe. Simakadze uyawulesula libito lakhe emhlabeni.

2 yaPhetro 2:5

Nkulunkulu akazange awuyekele umhlaba wakadzeni, kodvwa wamlondvolota Nowa, umshumayeli wekulunga, kanye nalabanye lababesikhombisa, ngesikhatsi aletsa zamcolo emhlabeni walababengamesabi Nkulunkulu.