Jobe 15:21 - Siswati 1996 Bible

²¹ “Tindlebe takhe tigcwele imisindvo lesabisako, ngesikhatsi konkhe kubukeka shangatsi kuhle, umbhubhisi ngulapho amhlasela khona.

Jobe 15:21 ပူးပေါင်းရင်းမြစ်များ

2 Emakhosi 7:6

ngobe Simakadze wenta emaSiriya eva shangatsi kuta umsindvo walenkhulu imphi yemahhashi netincola tawo, ase acabanga kutsi inkhosi yema-Israyeli seyimeme emakhosi emaHethi newemaGibhithe, nemabutfo awo kutsi atekuwahlasela.

Esta 7:6

Esta watsi: “Sitsa setfu, umuntfu losenyanyako, nalesisinengiso kuye ngunangu Hamani, lonenhlitiyo lembi!” Hamani wahlahlela inkhosi nenkhosikati lenkhulu emehlo asetfukile, esaba.

Jobe 15:24

Buhlungu nelusizi kuyamtfutfumelisa, kumhlisibete njengenkhosi lese ihlomele kuhlasela,

Jobe 18:11

Tesabiso timetfusa ndzawana tonkhe, timhleli etitsendzeni.

Jobe 18:14

Ukhishiwe ekuvikelekeni kwasekhaya lakhe, washuciswa wamikiswa enkhosini yekufa.

Jobe 20:21

Sekute nalokuncane lokusele yena langakudla, bunjinga bakhe ngeke buphumelele bume.

Jobe 22:10

Ngiko nje tonkhe tingibe tikutungeletile, netingoti tikwetfusa kangaka,

Jobe 24:17

Ngobe kubo bonkhe bumnyama lobukhulu ngusekuseni ngeluvivi, batente bangani netesabiso tebumnyama.”

Jobe 27:20

Kutfutfumela kumgabadzela njengetikhukhula, sivunguvungu simkhukhule sihambe naye ebusuku.

Tihlabelelo 92:7

kutsi nome lababi bangahluma njengetjani, nato tonkhe tigilamkhuba tichuma, noko tiyawubhujiswa phakadze naphakadze.

Taga 10:24

Lokwesatjwa ngumuntfu lomubi kuyamehlela; kodvwa lolungile uphiwa loko lakufunako.

Taga 28:1

Bantfu lababi babaleka ngisho nome kute umuntfu lobacoshako; kodvwa lolungile unesibindzi lesinjengeselibhubesi.

Jeremiya 6:26

Awu, sive sami, yembatsani emasaka, nitiphucaphuce emlotseni; lilani ngekudzabuka lokukhulu, kube shangatsi kwendvodzana lekukuphela kwayo, ngobe umbhubhisi uyakusitselekela ngekushesha lokukhulu.

Levithikusi 26:36

“ ‘Labo benu labayawube basasele bangakafi kulawo mave labayawube batfunjelwe kuwo, ngiyawukwenta tinhlitiyo tabo tibe nekwesaba kangangekutsi ngisho nemsindvo welicembe lelipheshulwa ngumoya liyawubenta babaleke batephule, kube shangatsi babalekela imphi. Bayawukuwa nome kungekho lobacoshako.

1 kubaseKorinthe 10:10

Ningakhononi njengalabanye kubo labakhonona, babhujiswa ngumbhubhisi.

1 kubaseThesalonika 5:3

Ngesikhatsi bantfu batsi: “Kunekuthula nenhlalakahle,” ngekushesha lokukhulu kubhujiswa kuyawubatuma njengemhelo ufikela umfati nasatawubeleka; futsi kute loyawusindza.

Sembulo 9:11

Inkhosi yaso lesibusako bekuyingilosi yemgodzi longenamkhawulo. Libito layo ngesiHebheru ngu-Abadoni, ngesiGriki ngu-Apoliyoni.