Jobe 14:5 - Siswati 1996 Bible

⁵ Emalanga ekuphila kwemuntfu asancunywa, nelinani letinyanga tekuphila kwakhe walimisa; kwajutjwa ngisho nemikhawulo yakhe langeke ayengce.

Jobe 14:5 ပူးပေါင်းရင်းမြစ်များ

Jobe 12:10

Kuphila kwato tonkhe tidalwa kusesandleni sakhe, kanjalo nemiphefumulo yabo bonkhe bantfu bemhlaba.

Jobe 14:14

Nangabe umuntfu afa, uyawuphindze aphile yini? Kuwo onkhe emalanga ekusebenta kwami kamatima ngiyakuma kuze kufike kuvuseleleka kwami.

Jobe 16:22

“Sekusele iminyakana nje lembalwa kutsi yendlule, bese nami ngingenela indlela lekuhanjwa ngayo ungaphindzi ubuye ngayo futsi.”

Jobe 21:21

Ngobe unandzabani nemndeni lawushiya ngemuva, nakufika kuphela kwetinsuku tekuphila kwakhe?

Jobe 7:1

“Umuntfu ute yini umsebenti lomatima lapha emhlabeni? Khona emalanga akhe akanjengawo yini emuntfu locashiwe?

Tihlabelelo 104:29

Nawufihla buso bakho, tiyetfuka, nawutsatsa kuphefumula kwato, tiyafa, tibuyele elutfulini.

Tihlabelelo 104:9

Wawabekela iminyele langeke ayengce, angete asabuyela kuyakwembesa umhlaba wonkhe.

Tihlabelelo 139:16

Wangibona ngiselihlwili. Onkhe emalanga ami abhalwa encwadzini yakho, ajutjwa, lisengakefiki nalinye lawo.

Tihlabelelo 31:15

Emalanga ekuphila kwami asesandleni sakho, ngephule esandleni setitsa tami nakubo labangitingelako.

Tihlabelelo 39:4

“Simakadze, ngatise sigcino sami, ungatise nebungako bekuphila kwami, ncono ngati kutsi ngiyendlula lapha emhlabeni.”

Umshumayeli 3:2

Kunesikhatsi sekutalwa nesikhatsi sekufa, sikhatsi sekuhlanyela nesikhatsi sekusiphula,

Umshumayeli 8:8

Kute umuntfu lonemandla ekubamba umoya, futsi kute nalonemandla ekujikisa lilanga lekufa kwakhe. Njengobe kute umuntfu lokhululekile nakuliwa imphi, kanjalo futsi nebubi bungeke bubakhulule labo lababentako.

Danyela 11:36

“Inkhosi yasenyakatfo iyawukwenta njengekutsandza kwayo. Iyawutikhukhumeta, itibongelele yona, itibeke ngetulu kwato tonkhe tithico, ikhulume tintfo letingazange tikhulunywe ngumuntfu ngaNkulunkulu wabonkulunkulu. Iyawuphumelela kudzimate kuphelele sikhatsi selulaka, ngobe loko lokuhlosiwe kufanele kwenteke.

Danyela 4:35

Tonkhe tive temhlaba titsatfwa njengelite. Wenta njengobe yena atsandza kuwo emandla asezulwini nakuto tive temhlaba. Kute namunye longavimbela sandla sakhe, nome atsi kuye: ‘Sewenteni?’

Danyela 5:26

Nansi inchazelo yalamagama: Mene: Nkulunkulu sewuwabalile emalanga ekubusa kwakho, wawafikisa ekugcineni kwawo.

Danyela 5:30

Ngabo bona lobo busuku Bhelshasari, inkhosi yemaBhabhulona, wagwazwa wafa.

Danyela 9:24

“Tikhatsi letingema-70 timiselwe bantfu bakini, nelidolobha lakini kutsi bayekele kona nekwephula imitsetfo, bacedze tono, bahlawulele bubi, bangenise kulunga kwaphakadze, kuciniselwe umbono netiphrofetho, kugcotjwe lowo Longcwelengcwele.

Lukha 12:20

Kodvwa Nkulunkulu watsi kuso: ‘Silima! Kulobusuku balamuhla umphefumulo wakho uyabitwa kuwe; pho, letintfo lesewutilungisile titawuba tabani?’

Imisebenti yebaPhostoli 17:26

Wenta tonkhe tive ngamuntfu munye kutsi tihlale ebusweni bonkhe bemhlaba, wemisa tikhatsi tekuphakama netekwehla kwato kanye nemikhawulo lapho kufanele tigcine khona.

KumaHebheru 9:27

Bantfu bamiselwe kutsi bafe kanye, bese kutsi emvakwaloko bayekwehlulelwa.

Sembulo 1:18

nalophilako. Ngafa, kodvwa ase ubheke nyalo, sengiyaphila, kuze kube phakadze, futsi nginetikhiya tekufa neteHayidesi.

Sembulo 3:7

“Bhalela ingilosi yelibandla laseFiladelfiya utsi: “ ‘Nali livi leliphuma kuye longcwele, loliciniso, lonesikhiya saDavide, lovula kungavali muntfu, avale kungavuli muntfu, utsi:

1 Samuweli 26:10

Ngifunga ngekuphila kwaSimakadze kutsi nguSimakadze cobo lwakhe lotakumshaya. Loko kuyakwenteka ngekutsi kufike sikhatsi sakhe sekufa, nome atsi uye emphini afike afele khona.