Jobe 14:12 - Siswati 1996 Bible

¹² umuntfu ulala kanjalo-ke angabe asavuka, kuyawuze kwendlule emazulu; yebo, umuntfu angeke aphaphame, futsi ngeke avuke ekufeni kwakhe.

Jobe 14:12 ပူးပေါင်းရင်းမြစ်များ

Jobe 3:13

Ngobe manje ngabe ngitilalele ngekuthula; yebo, ngabe ngitilalele ekuphumuleni.

Jobe 30:23

Ngiyati kutsi uyawungehlisela phansi kulabafile, endzaweni lemiselwe bonkhe labaphilako.

Jobe 7:21

Awuticoleli ngani tiphambuko tami, utsetselele tono tami? Ngobe mine sengitawulala elutfulini masinyane; maye, utase uphenye sewungifuna mine ngingasekho!”

Jobe 7:9

Njengelifu lelinyamalalako ligcina lingasekho, unjalo-ke nemuntfu losaya ethuneni, akaphindzi abuye.

Tihlabelelo 102:26

Kuyakwendlula konkhe, wena uhlale unjalo nje, konkhe kuyawuguga njengengubo. Yebo, njengengubo uyawukugucula kusakateke.

Tihlabelelo 90:5

Bantfu ubakhukhula njengesihlambi semanti, baphele njengebutfongo, ekuseni bakhula njengeluhlata:

Umshumayeli 11:8

Nangabe umuntfu aphiwe iminyaka leminyenti yekuphila emhlabeni, akatijabulise ngayo yonkhe, kodvwa noko akakhumbule kutsi ayeta emalanga lamanyenti ebumnyama. Konkhe lokutako kuyawuba lite lelite.

Umshumayeli 12:5

ngesikhatsi bantfu besaba konkhe lokuphakeme, kanye netingoti tasetitaladini, ngesikhatsi tihlahla te-alimondi setichakaza, nentsetse itotoba endleleni yayo, nenkhabunkhabu iphela. Umuntfu uya ekhaya lakhe laphakadze, labalilako bazulazula etitaladini.

Isaya 26:19

Kodvwa labafile bakho bayawuphila; imitimba yabo iyawuvuka. Nine lenihleti elutfulini lwemhlaba, vukani nimemete ngenjabulo. Ematolo akho anjengematolo asekuseni laphilisako, umhlaba uyawubakhipha labafile bawo.

Isaya 51:6

Phakamiselani emehlo enu emazulwini, niwubuke nemhlaba phansi; emazulu ayawunyamalala njengentfutfu, nemhlaba uguge njengengubo, nalabahlala kuwo bafe njengetimphungane. Kodvwa insindziso yami iyawukhonsa phakadze naphakadze, kulunga kwami ngeke kuphele.

Isaya 65:17

“Buka la, ngiyawudala emazulu lamasha nemhlaba lomusha. Tintfo takadzeni tingeke tikhunjulwe, futsi tingeke tisabuya nasengcondvweni.

Isaya 66:22

Simakadze utsi: “Njengobe emazulu lamasha nemhlaba lomusha lengikudalako kuyawuhlala kukhona embikwami, kanjalo libito lakho netitukulwane takho tiyawuhlala tikhona.

Danyela 12:2

Ticumbi ngeticumbi lesetalala elutfulini lwemhlaba tiyawuvuka, labanye bavukele ekuphileni kwaphakadze, labanye ehlazweni nasekwedzelelekeni kwaphakadze.

Matewu 24:35

Lizulu nemhlaba kuyakwendlula, kodvwa emavi ami wona angeke endlule.”

Imisebenti yebaPhostoli 3:21

Kufanele ahlale ezulwini kuze kufike sikhatsi lapho konkhe kuyakwentiwa kube kusha, njengobe Nkulunkulu amemetela emandvulo ngebaphrofethi bakhe labangcwele.

KubaseRoma 8:20

Ngobe indalo ibekwe esimeni sebute, hhayi ngekutsandza kwayo, kodvwa ngentsandvo yalowo lowayibeka etsembeni

Kubase-Efesu 5:14

ngobe konkhe lokuvetwa kukhanya kuyabonakala. Ngako-ke kutsiwa: “Phaphama, wena lolele, uvuke kulabafile, naKhristu utakukhanyisa.”

2 yaPhetro 3:7

Kepha ngalo lelivi emazulu nemhlaba lokukhona nyalo kugcinelwe umlilo ngelilanga lekwehlulelwa, lapho kuyawubhujiswa khona labangamesabi Nkulunkulu.

Sembulo 20:11

Ngase ngibona lesikhulu sihlalo sebukhosi lesimhlophe, nalohleti kuso. Lizulu nemhlaba kwambalekela kwanyamalala ebusweni bakhe, akuzange kuphindze kutfolakale ndzawo.

Sembulo 21:1

Ngase ngibona lizulu lelisha nemhlaba lomusha; ngobe lizulu lekucala nemhlaba wekucala bese kwendlulile, nelwandle lungasekho.