Jobe 13:12 - Siswati 1996 Bible

¹² Loku lenikukhulumako kungumbhedvo nje, netivikelo tenu titivikelo telibumba nje.

Jobe 13:12 ပူးပေါင်းရင်းမြစ်များ

Genesisi 18:27

Abrahama waphindze wakhuluma futsi, watsi: “Ngiyacolisa kuba nesibindzi sekukhuluma neNkhosi yami, mine lengilutfuli nemlotsa.

Genesisi 2:7

Nkulunkulu Simakadze wase ubumba umuntfu ngelutfuli lwemhlabatsi, waphefumulela umoya wekuphila emakhaleni akhe; umuntfu wase uba ngumuntfu lophilako.

Jobe 13:11

Inkhatimulo yakhe ingeke yini inesabise? Lulaka lwakhe lungeke yini lwehlele etikwenu?

Jobe 13:13

“Ase nibindze, kukhulume mine, ningiyekele ngehlelwe nome ngayini.

Jobe 18:17

Kukhunjulwa kwakhe sekuyafiphala kulomhlaba, akasenabito lapha emhlabeni.

Jobe 21:34

“Ngako-ke ningangidvudvuta kanjani ngalenkhulumo yenu lengumbhedvo? Kute nakunye kwetimphendvulo tenu lokusasele ngaphandle kwemacebo odvwa nje.”

Jobe 27:1

Jobe wachubeka nenkhulumo yakhe, watsi:

Jobe 29:1

Jobe wachubeka nenkhulumo yakhe, watsi:

Jobe 4:19

kakhulu kangakanani-ke labo labahlala etindlini letakhiwe ngeludzaka, letitisekelo tato tiselutfulini, labo labapitjiteka kalula njengemiyiyane.

Tihlabelelo 102:12

Kodvwa wena, Simakadze, uyawuba khona kuze kube phakadze. Uyawukhunjulwa titukulwane ngetitukulwane.

Tihlabelelo 109:15

Shangatsi tono tabo tingema embikwaSimakadze njalo. Shangatsi bangete baphindze bakhunjulwe emhlabeni.

Tihlabelelo 34:16

Buso baSimakadze buphambene nalabenta lokubi, kuze abashabalalise, bangabe basakhunjulwa emhlabeni.

Eksodusi 17:14

Simakadze wakhuluma kuMosi, watsi: “Kubhale phansi encwadzini loku kube ngumlandvo ngalemphi, kuze kube sikhumbuto. Utjele Joshuwa kutsi ema-Amaleki ngifuna kuwacotfula aphele nya emhlabeni.”

Taga 10:7

Kukhunjulwa kwemuntfu lolungile kuyawuba sibusiso; kodvwa libito lalomubi liyawubhubha.

Isaya 26:14

Nyalo asafile lawo makhosi, akasaphili, lowo moya wawo lowanyamalala awube usaphindza uvuke. Wawajezisa wawabhubhisa, wesula konkhe kukhunjulwa kwawo.

2 kubaseKorinthe 5:1

Ngobe siyati kutsi nangabe lifutwa lelidlangala lelingumtimba wetfu walapha emhlabeni, sinesakhiwo saNkulunkulu ezulwini, indlu yaphakadze lengakakhiwa ngetandla.