Jobe 11:17 - Siswati 1996 Bible

¹⁷ kuphila kutawukhanya kwendlule imini, bese kutsi bumnyama bufanane nekukhanya kwasekuseni.

Jobe 11:17 ပူးပေါင်းရင်းမြစ်များ

1 Tikhronike 29:10

Davide wadvumisa Simakadze embikwalo lonkhe libandla watsi: “Ludvumo alube kuwe, Simakadze, Nkulunkulu wababe wetfu Israyeli, kusukela phakadze kuze kube phakadze.

Jobe 11:18

Uyawuhlala uphephile, ngobe kunelitsemba, uyawutsi nawucalata nasemaceleni akho, utfole kuphumula kwakho.

Jobe 22:26

Impela, Somandla uyakuba kujabula kwakho, wenyusele buso bakho kuNkulunkulu.

Jobe 22:28

Konkhe loncuma kutsi ukwente kuyawukwenteka, nekukhanya kukhanye etindleleni takho.

Jobe 29:3

Ngaleso sikhatsi sibane sakhe sasikhanyisa etikwenhloko yami, ngaloko kukhanya kwakhe ngangihamba ekukhanyeni ngisho nasebumnyameni.

Tihlabelelo 112:4

Labacotfo batfola kukhanya ebumnyameni. Simakadze unemusa, nesihe, nekulunga.

Tihlabelelo 37:6

Kulunga kwakho uyawukwenta kugcame njengekukhanya, nebucotfo bakho bukhanye njengemini.

Tihlabelelo 92:14

Ebudzaleni babo bayawuchubeka batsele titselo, bafanane netihlahla letihlala tiluhlata, ngobe tona tihlala ticinile,

Tihlabelelo 97:11

Kukhanya kuhlanyelelwa labalungile, nekujabula kuhlanyelelwa labanetinhlitiyo letinhle.

Taga 4:18

Kodvwa indlela yalabalungile ifanana nekukhanya kwentsatsakusa, lokuya ngekuya kuze kube ngusemini.

Hoseya 6:3

Asimhloniphe Simakadze, sitimisele nekumnaka. Impela, njengobe kucinisekile kutsi lilanga liphuma ekuseni, kanjalo naye uyachamuka ete kitsi njengetimvula tasebusika, nanjengetimvula tasentfwasahlobo letinisela umhlaba.”

Malakhi 4:2

Kodvwa kini lenilesabako Libito lami, lilanga lekulunga liyawuphuma linekuphilisa etimphikweni talo. Niyawuphuma nitjakadvule njengemankhonyane lakhululwe etisingeni tawo.