Jobe 11:13 - Siswati 1996 Bible

¹³ “Noko nawunikela inhlitiyo yakho ngalokuphelele kuye, welulele tandla takho, ukhuleke, utinikele kuye,

Jobe 11:13 ပူးပေါင်းရင်းမြစ်များ

2 Tikhronike 12:14

Rehobowamu wenta lokubi, ngobe inhlitiyo yakhe yayingakunaki kufunisisa Simakadze.

2 Tikhronike 19:3

Kodvwa nome kunjalo, kukhona lokuhle kuwe, ngobe utisusile tinsika ta-Ashera kulelive, watimisela enhlitiyweni yakho kufuna Nkulunkulu.”

Jobe 15:12

Inhlitiyo yakho ikutfumbeleni kangaka, nemehlo akho aphashateliswa yini,

Jobe 22:23

Nawubuyela kuSomandla, utawusitakala: Nawususa bubi, ububeke khashane nendlu yakho,

Jobe 22:27

Uyawuthandaza kuye, naye akuve, bese ugcwalisa tetsembiso takho.

Jobe 5:17

“Maye, ubusisiwe umuntfu locondziswa nguNkulunkulu! Ngako ungakwedzeleli kuyalwa nguSomandla.

Jobe 5:8

“Kodvwa kube bekungimi, ngabe ngiyatincengela kuNkulunkulu, ngabe ngibeka yonkhe indzaba yami embikwakhe.

Tihlabelelo 143:6

Tandla tami ngitiphakamisela kuwe, umphefumulo wami womela wena njengemhlabatsi lowomele imvula. Cabanga.

Tihlabelelo 68:31

Emancusa ayawuvela eGibhithe, naKushe atinikele kuNkulunkulu.

Tihlabelelo 77:2

Nangiselusizini ngifuna Simakadze, nasebusuku ngiphakamisa tandla tami, ngikhuleke ngingadzinwa, umphefumulo wami wale kudvudvuteka.

Tihlabelelo 78:8

bangenti njengobe kwenta bokhokho lekwakusitukulwane lesinenkhani nalesihlubukako, situkulwane lesite inhlitiyo lenebucotfo, nalesasinemoya longaketsembeki kuSomandla.

Tihlabelelo 88:9

Liso lami liyafa ngenca yelusizi, ngikhala kuwe, Simakadze, imini nebusuku ngiphakamisa tandla tami, ngikhuleka kuwe.

Eksodusi 9:29

Mosi wakhuluma kuye watsi: “Ngitawutsi ngingaphuma la edolobheni, bese ngiphakamisa tandla tami ngithandaze kuSimakadze; lokudvuma kutawukhawula nalesangcotfo siphele, kuze wati kutsi umhlaba ngewaSimakadze.

Sililo 3:41

Asiphakamisele tinhlitiyo tetfu kanye netandla tetfu etulu, sitiphakamisele kuNkulunkulu, sitsi:

Lukha 12:47

“Sisebenti lesatiko kutsi inkhosi yaso ifuna senteni, kodvwa singatilungiseleli kutsi sente loko lokufunwa yinkhosi yaso, siyawujeziswa ngekushaywa kakhulu;

1 Samuweli 7:3

Samuweli wakhuluma esiveni sonkhe saka-Israyeli, watsi: “Naniphendvukela kuSimakadze ngayo yonkhe inhlitiyo yenu, kufanele nitisuse tonkhe letithico tebetive kanye nabo-Ashtarothe benu, bese nitinikela kuSimakadze nikhonte yena yedvwa, yena-ke utawube sewuyanikhulula esandleni semaFilisti.”