Jobe 10:15 - Siswati 1996 Bible

¹⁵ Nako kimi nangabe ngingulomubi! Nome ngabe anginacala, bengingeke ngiyetfwale inhloko yami, ngobe ngigcwele emahloni, kuhlupheka kwami kuyangicwilisa.

Jobe 10:15 ပူးပေါင်းရင်းမြစ်များ

Jobe 10:7

Nawe wati kahle nje kutsi anginacala, nekutsi kute nalongahle angisindzise esandleni sakho.

Jobe 21:6

Nangicabanga ngaloko, ngifikelwa kwesaba, kutfutfumela kubambe umtimba wami.

Jobe 23:15

Kungako nje ngitfutfumela embikwakhe; nangicabanga ngako konkhe loku, ngiyamesaba.

Jobe 27:7

“Shangatsi titsa tami tingaba njengalababi, nalabaphambene nami babe njengalabangakalungi.

Jobe 6:29

Ase nicabangisise kabusha, ningangiphatsi ngalokungakafaneli. Ase nicabangisise kahle lendzaba, bucotfo bami sebusebucayini.

Jobe 9:12

Nakukhona lamhlwitsako, ngubani longaba nemandla ekummisa? Ngubani kona longambuta atsi: ‘Wentani?’

Jobe 9:15

Nome bengingaba msulwa kangaka, bengiyawubate imphendvulo kuye. Lebengingakwenta nje bengingamane ngitincengele kuye, ngilale tibutsa kuMehluleli wami, ngicele umusa wakhe.

Jobe 9:29

Njengobe vele sengitfolakele nginelicala-ke, ngisahluphekelani, ngihluphekele lite?

Tihlabelelo 119:153

Buka kuhlupheka kwami ungikhulule, ngobe angikawukhohlwa umtsetfo wakho.

Tihlabelelo 25:18

Buka kuhlupheka kwami nekukhandleka kwami, ungitsetselele tonkhe tono tami.

Tihlabelelo 44:16

ngenca yekutsi ngiva bayangihhalatisa bangetfuke, nangenca yekubona sitsa nemphindziseli wami.

Tihlabelelo 83:16

Yebo, Simakadze! Tsela buso babo ngelihlazo, badzimate balifune libito lakho.

Tihlabelelo 9:17

Lababi baya ekufeni, yebo, bonkhe labafulatsela Nkulunkulu.

Eksodusi 3:7

Simakadze wakhuluma watsi: “Sengikubone ngempela kuhlushwa kwebantfu bami labaseGibhithe. Sengikuvile nekukhala kwabo ngekucindzetelwa nguletindvuna tabo temisebenti. Ngiyakwati kuhlupheka kwabo.

Isaya 3:11

Maye kulababi! Inhlekelele isetikwabo! Kuyawuphindziselwa kubo njengekwenta kwetandla tabo.

Isaya 6:5

Ngase ngitsi: “Maye kimi, mine ngiphelile! Ngobe ngingumuntfu lotindzebe temlomo wakhe tingcolile, futsi ngihlala emkhatsini webantfu labatindzebe tabo tingcolile. Emehlo ami ayibonile iNkhosi, Simakadze longuSomandla.”

Sililo 1:20

“Awu Simakadze, buka nje kutsi ngihlupheke kangakanani! Ngisemalahleni lapha ngekhatsi, inhlitiyo yami ikhatsatekile, ngobe bengingulelikhulu lihlubuka. Ngephandle, inkemba iyabulala; ngekhatsi ekhaya, kunekufa kodvwa.

Malakhi 3:18

Niyawuphindze niwubone kahle umehluko emkhatsini walabalungile nalababi, ngisho emkhatsini walabo labakhonta Nkulunkulu nalabo labangamkhonti.”

Lukha 17:10

Kanjalo-ke nani nanente konkhe lenitjelwe kutsi nikwente, nibotsi: ‘Sitisebenti letingakafaneli kubongwa, ngobe sente lebesifanele kutsi sikwente.’ ”