Jeremiya 8:14 - Siswati 1996 Bible

¹⁴ “Sihlaleleni kantsi lapha? Butsanani ndzawonye! Asibalekeni siye emadolobheni labiyelwe, siyewufela khona! Ngobe Simakadze Nkulunkulu wetfu sewusimisele kutsi sibhubhe, wasinika emanti lanashevu kutsi siwanatse, ngobe sonile kuye.

Jeremiya 8:14 ပူးပေါင်းရင်းမြစ်များ

2 Samuweli 20:6

Davide wakhuluma ku-Abishayi, watsi: “Manje Sheba, umsa waBikri, sewutasenta intfo lemnyama kakhulu kunaloku lesakwentiwa ngu-Absalomu. Tsatsa tindvuna tami umcoshe, angakaze watfola emadolobha labiyelwe ngetibondza, aphunyule.”

Tihlabelelo 39:2

Ngaba simungulu, ngabindza, ngangete ngasho lutfo nangalokuhle. Tinhlungu tadlanga.

Tihlabelelo 69:21

Bangiphakela inyongo esikhundleni sekudla; ekomeni kwami banginatsisa liwayini lelimunyu.

Isaya 47:5

“Hlala uthule, ungene ebumnyameni, Ndvodzakati yemaBhabhulona, awusayikuphindza ubitwe ngekutsi Ndlovukazi yemibuso.

Jeremiya 14:20

Awu Simakadze, siyabuvuma bubi betfu kanye nelicala labobabe betfu; impela sonile kuwe.

Jeremiya 14:7

Nome tono tetfu tisilahla ngelicala, awu Simakadze, mane wente lutfo ngenca yeLibito lakho. Ngobe kuhlubuka kwetfu kukhulu, sonile kuwe.

Jeremiya 23:15

Ngako-ke naku lokushiwo nguSimakadze Somandla macondzana nebaphrofethi, utsi: “Ngiyawubenta badle kudla lokubabako banatse nemanti lanashevu, ngobe kusukela kubaphrofethi baseJerusalema kungamesabi Nkulunkulu sekwandze nalo lonkhe live.”

Jeremiya 3:25

Asilale phansi ngenca yelihlazo letfu, sidliwe ngemahloni. Sonile kuSimakadze Nkulunkulu wetfu, yebo, tsine kanye nabobabe betfu; kusukela ebusheni betfu kuze kube ngulamuhla, asikamlaleli Simakadze Nkulunkulu wetfu.”

Jeremiya 35:11

Kodvwa kwatsi Nebukhadnezari, inkhosi yaseBhabhulona, navimbetela lelive, satsi: ‘Wotani, kufanele sihambe siye eJerusalema sitewubalekela emabutfo emaBhabhulona newema-Aramu.’ Nguko nje silapha eJerusalema.”

Jeremiya 9:14

Esikhundleni saloko, balandzele inkhani yetinhlitiyo tabo, balandzela boBhali, njengemfundziso yaboyise.”

Jeremiya 9:15

Ngako-ke, naku lokushiwo nguSimakadze longuSomandla, Nkulunkulu wema-Israyeli, utsi: “Buka la, labantfu ngitabadlisa kudla lokubabako, ngibanatsise emanti lanashevu.

Sililo 3:19

Ngikhumbula kushaywa kwami kanye nekundzindza kwami, loko kubaba kanye nenyongo.

Levithikusi 10:3

Mosi wakhuluma ku-Aroni watsi: “Simakadze abesho kona loku-ke ngesikhatsi atsi: ‘Ngiyawutibonakalisa ngingcwele kulabo labasedvute nami; ngiyawukhatimuliswa embikwabo bonkhe bantfu.’ ” Kodvwa Aroni wathula.

Amose 6:10

Nangabe sihlobo lesifanele kushisa leto tidvumbu sifika sitetikhipha kuleyondlu, leso sihlobo nasibuta lona losabhacile, sitsi: “Usekhona yini lomunye losasele kanye nawe?” yena lolomunye aphendvule atsi: “Kute,” leso sihlobo siyawuphendvula sitsi: “Shi, thulani, kufanele sicaphele singaliphatsi Libito laSimakadze.”

Habakhuki 2:20

“Kodvwa Simakadze usethempelini lakhe lelingcwele. Umhlaba wonkhe awuthule embikwakhe.”

Zakhariya 2:13

“Thulani embikwaSimakadze, nonkhe nine bantfu bemhlaba, ngobe sewuvukile waphuma endzaweni yakhe lengcwele.”

Matewu 27:34

lamnatsisa liwayini lelalibhicwe nenyongo; watsi kube alive walala, wangete walinatsa.

Dutheronomi 29:18

Caphelisisani kutsi kubete indvodza nome umfati, nome umndeni, nome sive emkhatsini wenu lamuhla, lonenhlitiyo lephambukako kuSimakadze Nkulunkulu wetfu kutsi ahambe ayewukhonta bonkulunkulu baleto tive. Caphelisisani kutsi kubete imphandze lembi emkhatsini wenu lengahle ivete shevu lobabako.

Dutheronomi 32:32

Umvini wabo uphuma emvinini waseSodoma nasemasimini aseGomora. Emagelebisi abo agcwele shevu, netitfungo tabo ticuketse kubaba.