Jeremiya 51:46 - Siswati 1996 Bible

⁴⁶ Ningajabhi, futsi ningesabi, nakuvakala emahemuhemu eveni. Lenye indzaba itawufika lonyaka, lenye ifike nyakenye, emahemuhemu ebudlwangudlwangu eveni, newembusi lovukela umbusi.

Jeremiya 51:46 ပူးပေါင်းရင်းမြစ်များ

Isaya 19:2

“Ngitawuchukuluta umGibhithe avukele umGibhithe, umnakabo uyakulwa nemnakabo, makhelwane acabane namakhelwane, lidolobha lihlasele lidolobha, umbuso uvukele umbuso.

2 Emakhosi 19:7

Lalelani! Ngitawufaka kuye umoya lotamenta kutsi atsi nakeva umbiko lotsite, ancandzeke abuyele eveni lakhe, ngulapho-ke ngiyawumenta afele khona ngenkemba.’ ”

Lukha 21:28

Nakucala kwenteka letintfo, sukumani niphakamise tinhloko tenu, ngobe insindziso yenu iyawube seyisedvutane.”

2 Tikhronike 20:23

Emadvodza aka-Amoni newakaMowabi atselekela lawa aseNtsabeni iSeyiri kutsi atekuwabulala awacedze nya. Atsi kube acedze kubulala lawa aseSeyiri, ajika abulalana odvwa.

Tikhulu 7:22

Atsi kube lamacilongo langema-300 akhale, Simakadze wasanganisa onkhe lawo madvodza labekuleyo nkambu yemaMidiyani, agucukelana odvwana, agwazana. Imphi yonkhe yesuka yabaleka yacondza eBhethi Shitha kuya eSerera, kuze kuyewufika emnyeleni we-Abela Mehola, eceleni kweThabhathi.

Jeremiya 46:27

“Ungesabi, wena Jakobe, nceku yami; ungajabhi, wena Israyeli. Ngempela, ngitakusindzisa usendzaweni lekhashane, netitukulwane takho eveni lato lekutfunjwa. Jakobe uyawuphindze abe nekuthula nekuvikeleka, futsi kute namunye loyawumetfusa.

Jobe 23:16

Nkulunkulu wente inhlitiyo yami yadzinwa; Somandla ungitfutfumelisile.

Taga 24:10

Nawukhubatela ngesikhatsi lesibucayi, usuke unemandla lamancane.

Isaya 43:5

Ungesabi, ngobe nginawe; bantfwabakho ngitabaletsa kusuka emphumalanga, ngikubutse wena kusukela enshonalanga.

Jeremiya 46:28

Ungesabi, wena Jakobe, nceku yami, ngobe nginawe,” kusho Simakadze. “Noko, nome ngitibhubhisa ngiticedza tonkhe tive, lapho ngikucoshele khona, wena angiyiwukubhubhisa ngikucedze. Ngiyawukujezisa nje kuphela, nako loko ngikwente ngalokufanele umtsetfo, ngobe ngingeke ngikuyekele nje ngingakushayi.”