Jeremiya 49:11 - Siswati 1996 Bible

¹¹ Shiya tintsandzane takho, ngitativikela timphilo tato, nebafelokati bakho nabo bangetsembela kimi.”

Jeremiya 49:11 ပူးပေါင်းရင်းမြစ်များ

Tihlabelelo 68:5

Nguye uyise wetintsandzane, nemlondvoloti webafelokati, unguNkulunkulu losendzaweni yakhe lengcwele.

YaJakobe 1:27

Kukholwa lokumsulwa lokungenasici embikwaNkulunkulu longuBabe ngunaku: kuhambela tintsandzane nebafelokati elusizini lwabo, nekutigcina ungangcoliswa live.

Hoseya 14:3

I-Asiriya ngeke isisindzise; singeke siwagibele emahhashi emphi. Singeke siphindze sisho futsi, sitsi: ‘Bonkulunkulu betfu’ kuloko lokwakhiwa tandla tetfu, ngobe kuwe wena wedvwa tintsandzane letite boyise titfola sihawu.”

1 kuThimothi 5:5

Kodvwa lowo longumfelokati sibili, longasenabani, litsemba lakhe lonkhe sewulibeke kuNkulunkulu. Uthandaza busuku nemini acela lusito kuNkulunkulu.

Malakhi 3:5

“Ngako, ngiyawusondzela kini kutakwehlulela. Ngiyawushesha kutsi ngifakaze ngimelane netangoma, netiphingi, nabofakazi bemanga, ngimelane nalabo labadlelela tisebenti emaholo ato, labo labacindzetela bafelokati netintsandzane, bemuke betive emalungelo abo, kodvwa bangangesabi mine,” kusho Simakadze longuSomandla.

Jona 4:11

Pho, mine bengingeke ngiyihawukele yini iNineve, lelidolobha lelikhulu kangaka, lapho kukhona bantfu labangakwati kwehlukanisa sandla sabo sekudla nesancele, labati-120 000, kanye netinkhomo letinyenti kangaka?”

Tihlabelelo 146:9

Simakadze uyabalondvolota bafokati, uyabaphasa bafelokati netintsandzane, kodvwa indlela yalababi uyayibhubhisa.

Tihlabelelo 82:3

“Vikelani emalungelo alabamphofu netintsandzane, nimele emalungelo alabacindzetelwe nalabeswele.

Dutheronomi 10:18

Uyabavikela labo labatintsandzane nebafelokati; nesihambi uyasitsandza asiphe kudla nekwekwembatsa.

Zakhariya 7:10

Ningabacindzeteli bafelokati, netintsandzane, nemihambima kanye nalabamphofu. Etinhlitiyweni tenu ningafiselani lokubi lomunye nalomunye.’