Jeremiya 49:10 - Siswati 1996 Bible

¹⁰ Kodvwa Esawu yena ngitamhlubula abe ngcunu, ngitatigwabula tindzawo lapho abhace khona, kuze angetutifihla ndzawo. Bantfwabakhe, netihlobo nabomakhelwane bakhe bayawubhubha, angeke aphindze abe khona.

Jeremiya 49:10 ပူးပေါင်းရင်းမြစ်များ

Isaya 17:14

Kutsi kungahlwa, bahlanyele budlova! Kutsi kusa, babe bangasekho! Lesi sabelo salabo labaphanga tsine, likoyi lalabo labasiphangako.

KubaseRoma 9:13

njengobe kubhaliwe kutsi: “Jakobe ngimtsandzile, kodvwa Esawu ngamtondza.”

Obadiya 1:9

Emabutfo akho, Themani, ayakutfutfumela, bonkhe bantfu labaseveni letintsaba, lekulive laka-Edomu, bayakubulawa.”

Amose 9:3

Nome bangatifihla esicongweni sentsaba iKhameli, nakhona lapho ngiyawubatingela ngize ngibabambe. Nome bangangibhacela ekujuleni kwelwandle, nakhona lapho ngiyawutfumela inyoka ibalume.

Jeremiya 23:24

Ukhona yini longabhaca etindzaweni letisitsele, entele kutsi ngingamboni?” kusho Simakadze. “Angikaligcwalisi yini lizulu nemhlaba?” kusho Simakadze.

Isaya 45:3

Ngiyawukunika ingcebo yebumnyama, bunjinga lobubekwe etindzaweni letiyimfihlo, khona utewukwati kutsi mine nginguSimakadze, Nkulunkulu wema-Israyeli, lokubita ngelibito lakho.

Tihlabelelo 37:28

Ngobe Simakadze uyakutsandza kwenta tintfo ngendlela lefanele, angeke abayekelele labangcwele bakhe. Labalungile bayawulondvoloteka phakadze naphakadze; kodvwa bantfwana balomubi bayawushabalaliswa.

Jeremiya 13:26

“Ngitawugwabula tidvwaba takho tibuye ebusweni, khona kutewubonakala bungcunu bakho:

Sililo 4:22

Awu, Ndvodzakati yaseSiyoni, kujeziswa kwakho kutawuphela; Simakadze angeke aselule sikhatsi sekudzingiswa kwakho. Kodvwa, awu, wena Ndvodzakati yase-Edomu, uyawujeziswa ngenca yesono sakho, abubeke ebaleni bubi bakho.

Obadiya 1:6

Nine titukulwane ta-Esawu, umcebo wenu lebewufihliwe sewuphangiwe.