Jeremiya 44:26 - Siswati 1996 Bible

²⁶ Kodvwa vanini livi laSimakadze, nonkhe nine maJuda lenihlala eGibhithe: Simakadze utsi: ‘Ngifunga ngeLibito lami lelikhulu kutsi ngingeke ngiphindze ngimvumele nome munye nje umuntfu wakaJuda emkhatsini wenu kutsi afunge ngeLibito lami atsi: “Ngifunga kuphila kweNkhosi Simakadze.”

Jeremiya 44:26 ပူးပေါင်းရင်းမြစ်များ

KumaHebheru 6:13

Ngesikhatsi Nkulunkulu etsembisa Abrahama, bekute labemkhulu kunaye labengamfunga, ngako-ke watifunga yena matfupha.

Hezekeli 20:39

“ ‘Macondzana nani, ninendlu yaka-Israyeli, naku lokushiwo yiNkhosi Simakadze, itsi: Hambani niyewukhonta tithico tenu, nonkhe! Kodvwa ngicinisile ngitsi, emvakwaloko niyawulalela mine, ningasaphindzi nilihlambalate Libito lami lelingcwele ngetipho tenu nangetithico tenu.

Tihlabelelo 50:16

Kodvwa kulomubi Nkulunkulu utsi: “Unalungelo lini lekukhuluma ngetimiso tami uphatse sivumelwane sami ngemlomo wakho?

Genesisi 22:16

yatsi, “Nali livi laSimakadze litsi: ‘Ngitifunga mine kutsi njengobe wente loku, wangete wayigodla indvodzana yakho yekuphela,

Amose 6:8

INkhosi Simakadze itifungile. Simakadze Nkulunkulu longuSomandla utsi: “Ngiyakwenyanya kutigcabha kwaJakobe, tiyanginenga naletinqaba takhe. Ngitaliyekelela lelo dolobha, nako konkhe lokukulo.”

Jeremiya 5:2

Nome bakhuluma batsi: ‘Ngifunga kuphila kwaSimakadze,’ noko basafunga emanga.”

Jeremiya 4:2

nawungafunga futsi kimi ngekweliciniso nangekulunga, utsi: ‘Ngifunga kuphila kwaSimakadze,’ tive-ke tiyawubusiswa ngaye tidvumise kuye futsi.”

KumaHebheru 6:18

Ngako-ke Nkulunkulu wasebentisa tintfo letimbili langeke agucuke kuto: setsembiso nesifungo. Tsine-ke lesesitfole kuphepha kuye kufanele sibe nekukhutsatela lokukhulu, siphutfume lelitsemba leselibekwe embikwetfu.

KumaHebheru 3:18

Bobani labo labafungela Nkulunkulu kutsi bangeke basangena ekuphumuleni kwakhe? Empeleni ngulabo lababengamlaleli.

Amose 8:7

Simakadze loludvumo lwaka-Israyeli utifunge yena, watsi: “Ngingeke ngikukhohlwe nakunye kwalabakwentile.

Amose 6:10

Nangabe sihlobo lesifanele kushisa leto tidvumbu sifika sitetikhipha kuleyondlu, leso sihlobo nasibuta lona losabhacile, sitsi: “Usekhona yini lomunye losasele kanye nawe?” yena lolomunye aphendvule atsi: “Kute,” leso sihlobo siyawuphendvula sitsi: “Shi, thulani, kufanele sicaphele singaliphatsi Libito laSimakadze.”

Jeremiya 46:18

“Ngifunga kuphila kwami,” kusho iNkhosi, lelibito layo kunguSimakadze longuSomandla, “kuyawufika lowo lonemandla njengeThabori emkhatsini wetintsaba, nanjengeKhameli ngaselwandle.

Jeremiya 22:5

Kodvwa nangabe aniyihloniphi lemiyalo, ngifunga ngami kutsi lesigodlo sitawuba tindzala, kusho Simakadze.’ ”

Jeremiya 7:9

“ ‘Nisetakweba yini, nibulale, niphinge, nifungele emanga, nitfuncise imphepho kuBhali, nilandzele labanye bonkulunkulu leningazange senibati,

Isaya 62:8

Simakadze ufunge ngesandla sakhe sekudla nangemkhono wakhe lonemandla, watsi: “Angisayiwuphindza ngephane ngekudla kwakho kutsi kube kudla kwetitsa takho, nebetive abasayiwuphindze balinatse liwayini lelisha lolishikashikanele kangaka.

Tihlabelelo 89:34

Sivumelwane sami ngingeke ngisephule; nemavi lese ngiwakhulumile ngingeke ngiwagucule.

Numeri 14:28

Ngako-ke batjele utsi: ‘Simakadze utsi: Ngifunga kuphila kwami kutsi ngitakwenta kini tona kanye leto tintfo benginive nitisho.

Jeremiya 24:8

“ ‘Kodvwa njengalamakhiwa lamabi langadleki ngiyakwenta njalo kuSedekiya, inkhosi yakaJuda, netindvuna takhe, nensali yaseJerusalema, nome basele lapha kulelive nome bahlala eGibhithe,’ kusho Simakadze.

Jeremiya 44:24

Ngako Jeremiya wakhuluma kubo bonkhe bantfu kanye nebafati, watsi: “Vanini livi laSimakadze, nonkhe nine bantfu bakaJuda leniseGibhithe.

Jeremiya 49:13

Ngitifunga mine, kutsi iBhosra iyawubhidlitwa ibe yintfo yekwesabisa, intfo yelihlazo, neyekucalekisa, nawo onkhe emadolobha ayo ayawuba ngemadzibikelo aphakadze,” kusho Simakadze.

Hoseya 4:15

“Awu Israyeli, nome sewuphinga kangaka nje, ningamenti Juda abe nelicala naye. “Ningayi eGilgali; ningayi eBhethi Aveni. Ningafungi futsi nitsi: ‘Kuphila kwaSimakadze!’

Jeremiya 44:11

“Ngako-ke naku lokushiwo nguSimakadze longuSomandla, Nkulunkulu wema-Israyeli, utsi: Ngitimisele kwehlisela inhlekelele etikwenu nekubhubhisa Juda wonkhe.

Jeremiya 44:14

Kute namunye wensali yakaJuda lowayawuhlala eGibhithe loyawuphunyula nome loyawusala bese uyancandzeka ubuyela eveni lakaJuda, lapho afisa kubuyela khona ayewuhlala. Kute nome munye loyawuncandzeka ngaphandle kwalabo labambalwa labayawubaleka.”

Jeremiya 51:14

Simakadze longuSomandla utifunge yena, watsi: “Ngiyawukugcwalisa ngemadvodza, kube shangatsi ngemabulo etintsetse, bayawumemeta ngelivi lelikhulu bahalalise ngawe.”