Jeremiya 40:10 - Siswati 1996 Bible

¹⁰ Mine-ke ngitawuhlala eMispa kutsi ngitewumelela nine kumaBhabhulona labeta lapha kitsi; kodvwa nine nitawuvuna liwayini, netitselo tasehlobo kanye nemafutsa, nikufake etitjeni tenu tekulondvolota, nihlale kulamadolobha leseniwatsetse.”

Jeremiya 40:10 ပူးပေါင်းရင်းမြစ်များ

Jeremiya 40:12

onkhe abuyela eveni lakaJuda, kuGedaliya eMispa, esuka kuwo onkhe emave lapho abesakateleke khona. Afike avuna lesikhulu sivuno seliwayini nesetitselo tasehlobo.

Jeremiya 48:32

Nginikhalela kwendlula kuyikhalela kwami iJazeri, awu, nine tivini taseSibima. Emagala enu endlaleka aze efika elwandle, enaba aze efika elwandle lwakaJazeri. Umbhubhisi sewutselekele titselo tenu, nemagelebisi enu lavutsiwe.

Jeremiya 39:10

Kodvwa Nebuzaradani, indvuna yabomahlalesangweni benkhosi, washiya eveni lakaJuda labanye balabo labamphofu lababengenalutfo, kwatsi ngaleso sikhatsi wabanika tivini nemasimi.

Jeremiya 35:19

Ngako-ke, naku lokushiwo nguSimakadze longuSomandla, Nkulunkulu wema-Israyeli, utsi: ‘Jonadabi, umsa waRekhabi, ngeke eswele umuntfu lotawukhonta mine.’ ”

Isaya 16:9

Ngako ngiyakhala, njengobe kukhala iJaseri, ngikhalela imivini yaseSibima. Awu! Heshboni, nawe Eleyale, nginenye etinyembetini! Kumemeta kwenjabulo ngetitselo tenu lesetivutsiwe kuthulisiwe, kwabindziswa nenjabulo ngetivuno tenu.

2 Samuweli 16:1

Davide watsi asahambe libangana nje etulu esicongweni sentsatjana, wahlangatjetwa nguSiba, sisebenti saMefiboshethi. Siba abechuba timbongolo letimbili letatiboshelwe, tetfwele imikhama yetinkhwa lengema-200, nemacebelengwane lalikhulu emagelebisi lomisiwe, netikhehle temakhiwa letilikhulu, nesikhumbasikhwama sigcwele liwayini.

Dutheronomi 1:38

Kodvwa umsiti wakho, Joshuwa, umsa waNuni, utawungena kulo. Mkhutsate, ngobe utawuhola lama-Israyeli kutsi alidle.’

Lukha 21:36

Lindzani nithandaze onkhe emalanga, khona nitawuba nemandla ekuphunyula kuletintfo letitakwenteka nitekwati kuma embikweNdvodzana yeMuntfu.”

Mikha 7:1

Kute litsemba! Mine ngifanana nemuntfu lolambile lotfole tihlahla tite titselo nemagelebisi kute emvinini. Onkhe emagelebisi kanye nemakhiwa lamnandzi bawakhe bawacedza.

Jeremiya 40:6

Ngako Jeremiya wahamba waya kaGedaliya, umsa wa-Ahikamu, eMispa, wahlala naye asemkhatsini webantfu lababesele eveni.

Taga 22:29

Use wambona nje umuntfu loyingcweti emsebentini wakhe? Nguye lowo loyawusetjentiswa ngemakhosi, angeke aweswele nemsebenti.

Dutheronomi 16:13

“Niyawugubha uMkhosi Wemadlangala emalanga lasikhombisa emvakwekucedza kwenu kuvuna kolo nemagelebisi.

1 Emakhosi 10:8

Maye, bayajabula labantfu bakakho! Maye, tiyajabula tindvuna takakho letihlala njalo time lapha embikwakho tilalele lokuhlakanipha kwakho.

Taga 27:25

Nakusikwe tjani, kwase kuhluma lobusha, lemihlambi ingadla.

Jeremiya 43:5

Esikhundleni saloko, Johanani, umsa waKhareya, nato tonkhe tindvuna temabutfo tayihola embili yonkhe imisalela yakaJuda leyayibuyele kuhlala eveni lakaJuda, isuka etiveni tonkhe lapho yayisakateleke khona.