Jeremiya 34:14 - Siswati 1996 Bible

¹⁴ ‘Njalo nje ngemnyaka wesikhombisa ngulowo nalowo wenu kufanele akhulule sigcili sakhe lesingumHebheru lotitsengise yena. Nasakusebentele iminyaka lesitfupha, kufanele umkhulule.’ Noko boyihlo abazange bangilalele, futsi abanginakanga nekunginaka.

Jeremiya 34:14 ပူးပေါင်းရင်းမြစ်များ

1 Emakhosi 21:25

Kute indvodza lenjenga-Ahabi leyatitsengisa yona ekwenteni bubi emehlweni aSimakadze, ifucwa ngumkayo Jezebeli.

1 Emakhosi 9:22

Kodvwa Solomoni akazange ente ngisho nome munye um-Israyeli kutsi abe sigcili; ema-Israyeli wona abengemabutfo akhe emphi, netiphatsimandla takhe tasembusweni, nebaholi bakhe, netindvuna takhe temabutfo, netebashayeli bakhe betincola, nebagibeli bakhe bemahhashi.

2 Tikhronike 28:10

Manje senicondze kwenta lamadvodza nalabafati bakaJuda nebaseJerusalema kutsi babe tigcili tenu. Anati yini kutsi nani nente tono, nona kuSimakadze Nkulunkulu wenu?

2 Tikhronike 36:16

Kodvwa baphukuta letitfunywa taNkulunkulu, bawedzelela emavi akhe, babahhalatisa nalabaphrofethi, lwadzimate lulaka lwaNkulunkulu lwavukela bantfu bakhe, futsi kwabate nalobasindzisako.

Nehemiya 9:30

Wababeketelela iminyaka leminyenti. Wabekhuta ngaMoya wakho ngekusebentisa baphrofethi bakho. Kodvwa noko abazange bakunake loko, ngako wabanikela esandleni setive letatibomakhelwane babo.

Isaya 50:1

Naku lokushiwo nguSimakadze, utsi: “Iphi incwadzi yenyoko yesehlukaniso, lengamcosha ngayo kutsi ahambe? Nome-ke nganitsengisa kumuphi kulengibakweledako? Natsengiswa ngenca yetono tenu, ngenca yemacala enu unyoko wacoshwa.

Isaya 58:6

“Ngiyo lena yini inhlobo yekuzila kudla lengiyikhetsile? Akusiko yini kutfukulula tibopho tebubi, nekukhumula tintsambo telijoko, nekukhulula labacindzetelwe, nekwephula onkhe emajoko?

Jeremiya 11:7

Kusukela ngesikhatsi lengakhipha ngaso bokhokho benu eGibhithe kuze kube ngulamuhla, ngangibayala njalo nje, ngitsi: Ngilaleleni.

Jeremiya 32:30

“Bantfu baka-Israyeli nebakaJuda kute labakwentile ngaphandle kwekwenta lokubi embikwami, kusukela ebusheni babo. Yebo, sive saka-Israyeli kute lesikwentile ngaphandle kwekungicunula ngaloko labakwente ngetandla tabo, kusho Simakadze.

Jeremiya 35:15

Ngatfumela kini tonkhe tinceku tami baphrofethi emaphindzephindze. Babetsi: “Ngulowo nalowo kini kufanele atiyekele tindlela takhe letimbi, nijikise imihambo yenu. Ningacali nilandzele labanye bonkulunkulu kutsi nibakhonte. Nanenta njalo-ke, niyawuhlala kulelive lengalipha nine naboyihlo.” Kodvwa anikanginaki, futsi anikangilaleli.

Hezekeli 20:4

“Utawubehlulela yini, ndvodzana yemuntfu? Nakunjalo-ke, besukele ubacondze ngetintfo letisinengiso letentiwa boyise,

Hezekeli 20:8

“ ‘Kodvwa bangivukela, bangete bangilalela; abazange batilahle letitfombe tabo letenyanyekako lebese babeke emehlo abo kuto, futsi abazange batilahle tithico taseGibhithe. Ngako ngatsi ngitawutfululela lulaka lwami etikwabo, ngicedzele kutfukutsela kwami etikwabo eGibhithe.

Levithikusi 25:10

UMnyaka Wema-50 niyakuwungcwelisa nimemetele inkhululeko eveni lonkhe nakuto tonkhe takhamiti takhona. Kuyawuba nguMkhosi wekugubha iMinyaka Lengema-50 kini, ngulowo nalowo uyawuncandzeka abuyele kuleyo ndzawo bekungeyakhe, iphindze ibe yakhe nesitukulwane sakhe.

Amose 2:6

Naku lokushiwo nguSimakadze, utsi: “Bantfu baka-Israyeli bone kwaze kwengca, ngaleso sizatfu ngingeke ngihlale ngingabajezisi. Labalungile babatsengisa ngesiliva, bese kutsi labeswele babatsengise ngetincabule letimbili.

Amose 8:6

nitsenge labamphofu ngesiliva, nalabeswele ngetincabule letimbili, ngisho naloku lokushanyelwe phansi esibuyeni sekubhula nikubite imali.

KubaseRoma 7:24

Maye kimi! Mine sihlupheki! Ngitawukhululwa ngubani mine kulomtimba wekufa?

Dutheronomi 15:1

“Ekupheleni kwayo yonkhe iminyaka lesikhombisa kufanele nitesule tikwelede talabo labanikweledako.

Dutheronomi 15:12

“Nangabe umnakenu longumHebheru, indvodza nome umfati, atsengiswa kuwe, abotsi angakusebentela iminyaka lesitfupha, ngemnyaka wesikhombisa umkhulule ahambe.

Dutheronomi 15:9

Nicaphele kutsi ningawufukameli lomcabango lomubi lotsi: ‘Umnyaka wesikhombisa lekungumnyaka wekwesulwa kwetikwelede sewusondzele,’ nize nikhombise inhlitiyo lembi kumnakenu lonesidzingo ngekungamniki lutfo. Ngobe angahle akhale ngani kuSimakadze, bese-ke nine nitfolakala ninelicala lesono.