Jeremiya 31:29 - Siswati 1996 Bible

²⁹ “Ngalawo malanga bantfu bangeke basasho batsi: “ ‘Bobabe badle emagelebisi lamunyu, nematinyo ebantfwana asayashelela.’

Jeremiya 31:29 ပူးပေါင်းရင်းမြစ်များ

Jobe 21:19

Kutsiwa: ‘Nkulunkulu ujezisa bantfwana ngenca yetono letentiwa nguyise.’ Cha! Nkulunkulu akajezise toni cobo lwato, kuze titewukwati kahle.

Jeremiya 31:30

“Esikhundleni saloko ngulowo nalowo muntfu uyakufa ngenca yesono sakhe. Wonkhe lodla emagelebisi lamunyu ematinyo akhe ayawushelela.”

Sililo 5:7

Bobabemkhulu labona sebafa, tsine sesetfwele licala labo.

Dutheronomi 24:16

“Boyise abayiwubulawa ngenca yebantfwana babo, nebantfwana futsi abayiwubulawa ngenca yaboyise babo; ngulowo muntfu uyawutifela yena ngesono sakhe.