Jeremiya 29:16 - Siswati 1996 Bible

¹⁶ Kodvwa naku lokushiwo nguSimakadze ngenkhosi lehlala esihlalweni sebukhosi saDavide nangabo bonkhe bantfu labasasele kulelidolobha, bantfu belive lenu labangahambanga kanye nani kuya ekudzingisweni,

Jeremiya 29:16 ပူးပေါင်းရင်းမြစ်များ

2 Tikhronike 36:11

Sedekiya abeneminyaka lengema-21 budzala, nakabekwa kuba yinkhosi. Wabusela eJerusalema iminyaka leli-11.

Jeremiya 24:2

Lesinye saletitja sasinemakhiwa lamahle kakhulu, afanana nalasheshe avutfwa. Lesinye sasinemakhiwa lamabi kakhulu, amabi kangangekutsi abengeke adleke.

Jeremiya 24:8

“ ‘Kodvwa njengalamakhiwa lamabi langadleki ngiyakwenta njalo kuSedekiya, inkhosi yakaJuda, netindvuna takhe, nensali yaseJerusalema, nome basele lapha kulelive nome bahlala eGibhithe,’ kusho Simakadze.

Jeremiya 29:3

Lencwadzi Jeremiya wayiphatsisa bo-Elasa, umsa waShafani, naGemariya, umsa waHilkiya, lababetfunywe nguSedekiya, inkhosi yakaJuda, kuNebukhadnezari, inkhosi yaseBhabhulona. Lencwadzi yayitsi:

Hezekeli 22:31

Ngako-ke ngiyawutfululela lulaka lwami etikwabo, ngibagwinye ngentfukutselo yami levutsako, ngikwehlisele etinhloko tabo konkhe loko labakwentile, kusho iNkhosi Simakadze.”