Isaya 65:20 - Siswati 1996 Bible

²⁰ “Kungeke kuphindze kube nemntfwana kuyo loyawuphila emalangana lambalwa, nome kube nelichegu lelingeke likhule lize likhokhobe. Umuntfu loyakufa aneminyaka lelikhulu ngebudzala uyawutsatfwa ngekutsi abesemusha, lowo longayiwufika eminyakeni lelikhulu budzala uyawutsatfwa ngekutsi ucalekisiwe.

Isaya 65:20 ပူးပေါင်းရင်းမြစ်များ

Jobe 5:26

Uyawuya ethuneni ugcwele emandla, wenelisekile ngebudzala njengetitfungo letibutfwa ngesikhatsi sato lesifanele.

Tihlabelelo 34:12

Ngubani lotsandza kuphila adzimate adle tinyoni tebantfwabakhe?

Isaya 22:14

Simakadze longuSomandla ukwembulile loku kimi, ngakuva: “Niyawuze nife solomane lesono singakahlawulelwa”, isho njalo iNkhosi Simakadze lenguSomandla.

Isaya 3:11

Maye kulababi! Inhlekelele isetikwabo! Kuyawuphindziselwa kubo njengekwenta kwetandla tabo.

Zakhariya 8:4

Naku lokushiwo nguSimakadze longuSomandla, utsi: “Emachegu kanye netalukati, bayawuphindze bahlale etitaladini taseJerusalema, nguloyo aneludvondvolo esandleni sakhe ngobe asakhulile.

Dutheronomi 4:40

Gcinani timiso takhe nemiyalo yakhe lengininika yona lamuhla, kuze kulungele nine nebantfwabenu, khona nitewuphila siphelane kulelo live Simakadze Nkulunkulu wenu lanipha lona.”