Isaya 63:15 - Siswati 1996 Bible

¹⁵ Buka phansi usezulwini lakho, ubone, usesihlalweni sakho sebukhosi lesingcwele. Kuphi kushisekela kwakho nemandla akho? Kunakekela kwakho nesihawu sakho kugodliwe kitsi.

Isaya 63:15 ပူးပေါင်းရင်းမြစ်များ

1 Emakhosi 8:27

“Kodvwa vele, Nkulunkulu angahlala yini emhlabeni? Emazulu, ngisho nalo lizulu leliphakeme kunawo onkhe emazulu, ungeke wenele kulo. Kangakanani-ke lelithempeli lengikwakhele lona!

2 Tikhronike 30:27

Baphristi nemaLevi bema babusisa sonkhe sive, naNkulunkulu wabeva, ngobe umthandazo wabo wafinyelela ezulwini, endzaweni yakhe lengcwele lahlala kuyo.

Tihlabelelo 123:1

Ngiphakamisela emehlo ami ngakuwe, wena lohleti ebukhosini bakho ezulwini.

Tihlabelelo 25:6

Simakadze, khumbula umusa wakho nelutsandvo lwakho, ngobe kwakuvele kukhona phakadze.

Tihlabelelo 33:14

Asesesihlalweni sakhe sebukhosi ubukisisa bonkhe labahleti emhlabeni;

Tihlabelelo 68:5

Nguye uyise wetintsandzane, nemlondvoloti webafelokati, unguNkulunkulu losendzaweni yakhe lengcwele.

Tihlabelelo 77:10

Ngibese ngitsi: “Naku lokungihluphako: Sandla sangesekudla saLosetikwako Konkhe sesijikile.”

Tihlabelelo 80:14

Awu, Nkulunkulu wemabandla! Phendvuka futsi! Buka phansi usetulu ezulwini, ubone lomvini wakho, uwunakelele,

Tihlabelelo 80:15

wona lowo mvini lowawuhlanyela ngesandla sakho sangesekudla, naleligala lotikhulisele lona.

Tihlabelelo 89:49

Awu, Nkhosi yami! Uphi kantsi umusa wakho lomkhulu lowawubonakalisa endvulo, wenta sifungo ngawo kuDavide ngekwetsembeka kwakho?

Isaya 16:11

Inhlitiyo yami ililela iMowabi, ikhala njengelihabhu, lingekhatsi lami lilila ngeKhiri Heresi.

Isaya 26:11

Simakadze, sandla sakho siphakamele etulu, kodvwa noko abasiboni. Bente babone inshisekelo yakho ngesive sakho, batewudliwa ngemahloni. Akutsi umlilo lowugcinele titsa takho udle bona ubacedze.

Isaya 37:32

Ngobe eJerusalema kuyawuvela insali. ESiyoni kuyawuvela libutfo lalabasindze ekufeni. Kushisekela kwaSimakadze longuSomandla kuyawukuphelelisa loko.

Isaya 42:13

Simakadze utawushuca njengendvodza lenemandla, njengelisotja uyawuchukuluta inshisekelo yakhe; uyawumemeta ahlabe inyandzaleyo, titsa takhe atehlule.

Isaya 49:15

“Umfati angalukhohlwa yini luswane lolusesebeleni lakhe nekutsi abete sihawu kumntfwana lamtalako? Nome angakhohlwa, kodvwa mine ngingeke ngikukhohlwe wena.

Isaya 57:15

Ngobe nguloko lokushiwo nguLophakeme Losetulu, lolibito lakhe linguLongcwele, utsi: “Ngihlala etulu endzaweni lengcwele, kodvwa nakuye lodzabukile nalotfobekile emoyeni, kutewuvuselela umoya walabatfobekile nekuvuselela tinhlitiyo talabephukile emoyeni.

Isaya 59:17

Wembatsa kulunga njengesivikelo sakhe sesifuba, nesigcoko sensindziso enhloko yakhe. Wembatsa tingubo tekukhipha sibhongobhongo, watishumphetela ngenshisekelo njengesembatfo.

Isaya 63:9

Kuko konkhe kukhatsateka kwabo naye abekhatsatekile, ingilosi yebukhona bakhe yabasindzisa, ngelutsandvo lwakhe nangemusa wakhe wabahlenga. Wabatsatsa wabetfwala kuwo onkhe emalanga akadzeni.

Isaya 64:12

Awu, Simakadze, emvakwako konkhe loku utawuchubeka yini utibambe? Wena utawuthula nje, usijezise ngalokungetulu kwemandla etfu?

Isaya 66:1

Naku lokushiwo nguSimakadze, utsi: “Lizulu lisihlalo sami sebukhosi, umhlaba usenabelo setinyawo tami. Iphi-ke lendlu leningangakhela yona? Itawuba kuphi-ke indzawo yami yekuphumula?

Isaya 9:7

Umbuso wakhe uyawukhula, kuthula nenhlalakahle kungeke kuphele. Uyawubusa esihlalweni sebukhosi saDavide, nasembusweni wakhe. Uyakuwumisa awusekele ngekwemtsetfocotfo nangekulunga, kusukela kuleso sikhatsi kuze kube nguphakadze naphakadze. Inshisekelo yaSimakadze longuSomandla iyawukwenta loko.

Jeremiya 31:20

Efrayimu akasiyo yini indvodzana yami letsandzekako, umntfwana lengijabulako ngaye? Nome ngivamise kukhuluma ngimelane naye, kodvwa noko ngisamkhumbula. Ngako-ke inhlitiyo yami iyamlangatelela; nginesihawu lesikhulu ngaye,” kusho Simakadze.

Sililo 3:50

adzimate Simakadze abuke phansi asezulwini kutsi abone.

Hoseya 11:8

“Ngingakuyekelela kanjani, wena Efrayimu? Ngingakulahla kanjani, wena Israyeli? Ngingakuphatsa kanjani njenga-Adma? Ngingakwenta kanjani ufanane naSeboyimu? Inhlitiyo yami iguculiwe ngekhatsi kwami; sonkhe sihawu sami sivuselelekile.

Joweli 2:18

Simakadze utawuba nenshisekelo ngelive lakhe, asihawukele sive sakhe.

Lukha 1:78

ngenca yesihawu setibilini saNkulunkulu kitsi, ngaloko-ke kukhanya kuyawusa kitsi kuvela ngetulu

Dutheronomi 26:15

Buka phansi usezulwini endzaweni yakho yekuhlala lengcwele. Busisa sive sakho sema-Israyeli kanye nelive lowasipha lona, njengobe waletsembisa ngesifungo kubokhokho betfu, live leligcwele lubisi neluju lwetinyosi.’ ”

KubaseFiliphi 2:1

Ngako-ke, naninendvudvuto kuKhristu, naninekudvudvuteka kwelutsandvo, naninebudlelwane baMoya, naninesisa nesihawu,

1 yaJohane 3:17

Nangabe umuntfu anako kwelive bese ubona umzalwane wakhe loswele, angamhawukeli, angasho kanjani kutsi lutsandvo lwaNkulunkulu luhlala enhlitiyweni yakhe?