Isaya 51:19 - Siswati 1996 Bible

¹⁹ Lamaphindze etinhlekelele ehlele etikwakho, ngubani nje longakudvudvuta? Kulokuphihlitwa nekubhujiswa, kuyo indlala kanye nenkemba, ngubani longakudvudvuta?

Isaya 51:19 ပူးပေါင်းရင်းမြစ်များ

Jobe 2:11

Kwatsi kube bakuve konkhe loko lobekumehlele Jobe, bangani bakhe labatsatfu bo-Elifazi, umThemani, naBildadi, umShuhi, kanye naSofari, umNama, besuka emakhaya abo bahlangana bacondza kuJobe, bayakumlilela nekumdvudvuta.

Jobe 42:11

Bonkhe bomnakabo, nabodzadzewabo, nabo bonkhe lababemati kucala beta kuye badla naye endlini yakhe. Bamkhalela, bamdvudvuta kuko konkhe loko kuhlupheka Simakadze labekuletse etikwakhe; kwatsi lowo nalowo wamupha luhlavu lwesiliva kanye nendandatho yegolide.

Tihlabelelo 69:20

Kuhlanjalatwa kuwephulile umphefumulo wami, ngadzimate ngaphelelwa nangemandla. Ngacalata ngifuna longangihawukela, kodvwa kwabate lengimbonako. Ngacalata ngifuna nebadvudvuti, nakhona kwabate lengibabonako.

Umshumayeli 4:1

Ngaphindze ngabuka ngabona konkhe kucindzetelana lokwentiwako lapha ngaphansi kwemtfunti welilanga: Ngabona tinyembeti talabacindzetelwe, bate ngisho nemdvudvuti; emandla abengakubacindzeteli babo, kodvwa labo labacindzetelwe bate ngisho nemdvudvuti.

Isaya 14:30

Timbhukudvu tetimphuya tiyawutfola emadlelo, kutsi labeswele bacambalale phansi baphephile. Kodvwa titukulwane tenu, maFilisti, ngiyakutibhubhisa ngendlala lenkhulu leyawuhhela ngisho nemisalela.

Isaya 22:4

Ngako-ke ngatsi: “Sukani lapha kimi, ase ngikhale kabuhlungu. Ningacali netame kungidvudvuta ngekubhujiswa kwesive sakitsi.”

Isaya 47:9

Kokubili-ke loko kuyawukukhandza ngesikhashana nje, ngalanga linye, kufelwa bantfwana nebufelokati. Kuyawukufikela ngemandla lamakhulu, ngetulu kwebunyenti bekutsakatsa kwakho, nasemkhatsini webunyenti bemalumbo akho.

Isaya 54:11

“Awu, wena, dolobha lelihlushiwe lashaywa tivunguvungu langete ladvudvutwa, ngiyawukwakha ngematje lamahle, tisekelo takho ngitakhe ngemasafire.

Isaya 60:18

Akuseyiwuba nekulwa eveni lakho, kuyawubate incitsakalo nembhubhiso emikhawulweni yelive lakho. Kodvwa uyawubita tibondza takho ngekutsi yiNsindziso, nemasango akho ngekutsi Ludvumo.

Isaya 61:2

Ungitfume kutsi ngitewumemetela umnyaka wemusa waSimakadze, nelilanga lekuphindzisela kwaNkulunkulu wetfu, nelekudvudvuta bonkhe labalilako,

Isaya 8:21

Bayawukwehla benyuka eveni bajabhile futsi balambile, ngesikhatsi sebahwaywe yindlala, bayawuvutsa ngelulaka, babuke etulu, bacalekise inkhosi yabo kanye naNkulunkulu wabo.

Isaya 9:20

Ngesekudla bayawushwabudzela, kodvwa bachubeke balambe; ngesancele bayawudla, kodvwa bangeke besutse. Ngulowo nalowo uyakutondla ngenyama yentalelwane yakakhe;

Jeremiya 15:5

“Awu Jerusalema, ngubani lotakuhawukela? Ngubani lotakulilela? Ngubani loyakuma akubute kutsi unjani?”

Jeremiya 24:10

Ngiyawubatfumelela inkemba, nendlala kanye nesifo lesibulalanako lokuyawubehlela baze babhujiswe kulelive lengalinika bona naboyisemkhulu.’ ”

Sililo 1:12

“Akusho lutfo yini kini, nonkhe nine lenendlula ngendlela? Calatani ndzawo tonkhe nibone. Kukhona yini kuhlupheka lokufanana nekwami kuhlupheka lokwehliselwa kimi, kuhlupheka Simakadze langishaya ngako ngelilanga lekutfukutsela kwakhe lokwesabekako?

Sililo 1:9

Kungcola kwayo kunamatsele etidvwabeni tayo; ayizange ilinakekele likusasa layo. Kuwa kwayo kwakumangalisa, kwabate labengayidvudvuta. “Awu Simakadze, buka kushaywa kwami, ngobe sitsa siyangehlula.”

Sililo 3:47

Sehlelwe kwesaba neluvalo, nemigodzi, kubhujiswa, nekucitfwa.”

Hezekeli 14:15

“Kube bengingatfumela tilwane tesiganga kulelo live, tilishiye lite bantfwana, libe lihlane kangangekutsi kubete namunye longendlula kulo alidzabule ekhatsi ngenca yaleto tilwane,

Hezekeli 14:21

“Ngobe naku lokushiwo yiNkhosi Simakadze, itsi: Kuyawuba kubi kangakanani-ke nangitfumela tehlulelo tami letine letiyawumelana neJerusalema: inkemba, nendlala, netilwane tesiganga kanye nesifo lesibulalanako, kutsi titewubulala bantfu bayo netilwane tayo!

Amose 7:2

Satsi kube sikudle konkhe lokuluhlata eveni, ngakhala kakhulu ngatsi: “Nkhosi Simakadze, cola! Jakobe angasindza kanjani? Mncane kakhulu!”

Nahume 3:7

Bonkhe labakubonako bayawukubalekela, batsi: ‘INineve seyiwile, sengusemaboleleni, ingabe itawukhalelwa ngubani?’ Ngingamtfolaphi umuntfu longahle akudvudvute?”

2 kubaseKorinthe 7:13

Ngako-ke siyadvudvuteka. Ngaphandle kwalendvudvuto sajabula kakhulu ngekujabula kwaThithusi, ngobe nonkhe namcinisa lidvolo.