Isaya 5:18 - Siswati 1996 Bible

¹⁸ Maye kulabo labahudvula sono ngetintsambo temacebo, badvonse bubi kube shangatsi kungetintsambo tetincola,

Isaya 5:18 ပူးပေါင်းရင်းမြစ်များ

Jeremiya 23:14

Emkhatsini webaphrofethi baseJerusalema ngabona intfo leyesabekako: Benta buphingi, baphile imphilo lengemanga. Bacinisa tandla talabenta lokubi, kuze kutsi kubete ngisho namunye lophendvukako ebubini bakhe. Bonkhe bafanana neSodoma kimi, bantfu baseJerusalema bafanana neGomora.”

Hezekeli 13:22

Njengobe nibajabhisile labalungile ngalamanga enu, ngibe mine ngingakabadzabukisi, nangenca yekutsi nikhutsate lababi kutsi bangaphendvuki etindleleni tabo letimbi kuze basindzise timphilo tabo,

Jeremiya 23:10

Live ligcwele tiphingi; ngenca yesicalekiso live ligagadzekile, nemadlelo asehlane asahangukile. Baphrofethi balandzela bubi, basebentise ligunya labo ngalokungekho emtsetfweni.

Jeremiya 5:31

Baphrofethi baphrofetha emanga, baphristi baphetse ngeligunya labo, nebantfu bami bakutsandza ngaleyo ndlela. Kodvwa nitakwenta njani ekupheleni?”

Tihlabelelo 36:2

Utiphakamisa kangangekutsi akabuboni nebubi besono sakhe.

Imisebenti yebaPhostoli 26:9

“Mine matfupha ngangikholwa kutsi kufanele ngente konkhe lokusemandleni ami kutsi ngiphambane nelibito laJesu waseNazaretha.

Johane 16:2

Bayakunincuma emasinagogeni. Yebo, sikhatsi siyeta, lapho bayawunibulala, bacabange kutsi basebentela Nkulunkulu.

Zefaniya 1:12

“Ngaleso sikhatsi ngiyakuyiphenya ngetibane iJerusalema, ngijezise labo labatesutsisako, labafanana neliwayini lelisele emashiceni alo, bacabange batsi: ‘Simakadze angeke ente lutfo, loluhle nome lolubi.’

Jeremiya 23:24

Ukhona yini longabhaca etindzaweni letisitsele, entele kutsi ngingamboni?” kusho Simakadze. “Angikaligcwalisi yini lizulu nemhlaba?” kusho Simakadze.

Isaya 28:15

Niyatigabatisa nitsi: “Sesente sivumelwane nekufa, sente sivumelwane nelithuna. Ngesikhatsi sivunguvungu lesishisako siphephula sendlula kitsi, singeke sisitsintse tsine, ngobe sente emanga aba siphephelo setfu, sente emacebo aba yindzawo yetfu yekubhaca.”

Tihlabelelo 14:1

Silima sikhuluma enhlitiyweni yaso sitsi: “Kute Nkulunkulu la.” Babi, benta emanyala, kute nome munye lowenta lokulungile.

Tihlabelelo 10:11

Lomubi ucabanga enhlitiyweni yakhe utsi: “Nkulunkulu akanendzaba, akanaki, angeke abuke ngakimi kuze kube phakadze naphakadze.”

Tikhulu 17:13

Mikha wakhuluma yedvwa watsi: “Manje sengiyati kutsi Simakadze utaba nemusa kimi, njengobe lomLevi asangumphristi wami nje.”

Tikhulu 17:5

Lendvodza lenguMikha beyinendumba, ngako yenta sidziya sebaphristi, yabumba tithico, yase ibeka lomunye wemadvodzana ayo kutsi abe ngumphristi wayo.

Jeremiya 36:23

Kwakutsi njalo nje Jehudi nase afundze tinhlu letintsatfu nome letine talencwadzi legocotwako, inkhosi itijube ngemukhwa webabhali, itijike kulembawula yemlilo, yaze yaphelela yonkhe lencwadzi legocotwako ishiswa emlilweni.

Taga 4:17

Bubi bukudla kwabo, budlova businatfo sabo.