22 Nyalo-ke yekelani lokuphukuta kwenu, nakungenjalo, tinketane tenu titakuba matima, iNkhosi Simakadze lenguSomandla ingitjelile ngembhubhiso leseyimiselwe live lonkhe.
Tigijimi taphuma tangena kuwo onkhe emadolobha aka-Efrayimu, newakaManase, kuze kuyewufika kulakaZebuloni, kodvwa sive sasiteya sihlekise ngato.
Ngako Simakadze wehlisela etikwabo libutfo letindvuna temphi tenkhosi yase-Asiriya, tefika tatfumba Manase, tamfaka lihhuka lapha ekhaleni, tambopha ngetinketane telitfusi, tahamba naye tammikisa eBhabhulona.
Kodvwa baphukuta letitfunywa taNkulunkulu, bawedzelela emavi akhe, babahhalatisa nalabaphrofethi, lwadzimate lulaka lwaNkulunkulu lwavukela bantfu bakhe, futsi kwabate nalobasindzisako.
Ngobe wafohla emasango elitfusi, wajuba nemishudvo yetinsimbi.
Faro wase ubita boMosi na-Aroni; befika, watsi kubo: “Hambani niyewunikela imihlatjelo kuloNkulunkulu wenu, kodvwa ningaphumi kulo lelive.”
Kujeziswa kwemiselwa baphukuti; nekubhanjabulwa kwemiselwa imihlane yetilima.
Umuntfu lotsi nakelulekwa acinise inhloko, uyakufohlotwa masinyane.
Simakadze nase acedzile yonkhe imisebenti yakhe lemelene nentsaba iSiyoni neJerusalema, uyakutsi: “Ngiyakuyijezisa inkhosi yase-Asiriya ngenca yeligcabho layo langemabomu lelisenhlitiyweni yayo nangenca yekutiphakamisa kwayo lokusemehlweni ayo.
Lalelani, nive livi lami; linakekeleni, nive kutsi ngitsini.
Angizange sengihlale emkhambatsini webatsandzi bemadzili, angizange sengitijabulise kanye nabo. Ngahlala ngedvwana, ngobe sandla sakho sasisetikwami, wawungigcwalise ngentfukutselo enhlityweni.
Awu Simakadze, wangiyenga, nami ngayengeka, wangehlula ngemandla, waphumelela. Nyalo sengiyinhlekisa kubantfu lonkhe lilanga, bonkhe bantfu bayangiphukuta.
Lonkhe live liyawusala lilihlane lelikhala libhungane, naletive tiyawukhonta inkhosi yaseBhabhulona iminyaka lengema-70.
Kwakutsi njalo nje Jehudi nase afundze tinhlu letintsatfu nome letine talencwadzi legocotwako, inkhosi itijube ngemukhwa webabhali, itijike kulembawula yemlilo, yaze yaphelela yonkhe lencwadzi legocotwako ishiswa emlilweni.
Wase ukupuluta emehlo aSedekiya, wambopha ngetinketane telitfusi kuze amyise eBhabhulona.
“Tono tami taboshwa ngesandla sakhe taba lijoko. Watephotsela yena watihlanganisa, setikhuphukele entsanyeni yami, naSimakadze uwesusile emandla ami. Unginiketele kulabo lengingeke ngikhone kumelana nabo.
Siyawukuma yini leso sibindzi sakho? Tona tandla takho tiyawucina yini ngelilanga lengiyawubhekana nawe ngalo? Mine Simakadze sengikhulumile, futsi ngitakwenta loko.
Onkhe emacebo labamakhela wona labamelene naSimakadze uyawacedza. Kute labaphindze bamvukele.
Bantfu lababendlula lapho babemetfuka banikine tinhloko,
Ngisho nalabo lababili lababebetselwe kanye naye, bametfuka nabo.
bayawubulawa ngenkemba, batsatfwe bentiwe babe titfunjwa etiveni tonkhe; nebetive bayakuyigcobagcoba iJerusalema, kuze kugcwaliseke sikhatsi sabo.”
Kwatsi nabamuva akhuluma ngekuvuka kulabafile, labanye bamhleka bulima, kepha labanye batsi: “Sitawubuye sikuve nawukhuluma ngaloko.”