Isaya 2:11 - Siswati 1996 Bible

¹¹ Emehlo ebantfu labatikhukhumetako ayawutfotjiswa, kutsi kutigcabha kwebantfu kwehliswe; Simakadze yena yedvwa uyawuphakanyiswa ngalelo langa.

Isaya 2:11 ပူးပေါင်းရင်းမြစ်များ

Tihlabelelo 18:27

Wena, losindzisa labatfobekile, uyabatfobisa labatigabatisako.

Isaya 2:17

Kutiphakamisa kwebantfu kuyakwehliselwa phansi, nekutigcabha kwebantfu kutfotjiswe; Simakadze yena yedvwa uyawuphakanyiswa ngalelo langa,

Malakhi 4:1

“Impela lilanga liyeta; liyawushisa njengemlilo lowesabekako nalohhumako. Bonkhe labatigcabhako bangangihloniphi nalabenta lokubi bayawuba tinhlanga, lelo langa lelitako liyawubalumekela ngemlilo,” kusho Simakadze longuSomandla. “Kute imphandze nome ligala leliyawusala kubo.

Isaya 24:21

Ngalelo langa Simakadze uyawujezisa tiphatsimandla tasemazulwini etulu, nemakhosi asemhlabeni phansi.

Isaya 13:11

“Umhlaba ngiyakuwujezisa ngenca yebubi bawo, ngijezise nalababi ngenca yetono tabo. Ngiyakulicedza ligcabho lalabo labatigcabhako, ngikutfobise kutigcabha kwalabo labanelunya.

Isaya 12:4

Ngalelo langa niyawutsi: “Bongani Simakadze, nibite Libito lakhe; yatisani tive ngaloko lakwentile, nimemetele kutsi Libito lakhe liphakeme.

Mikha 4:6

Simakadze utsi: “Sikhatsi siyeta, mhlazane ngiyawubutsela ndzawonye sive lengasijezisa, bona labo lababuva buhlungu ekutfunjweni.

Hoseya 2:18

Ngalelo langa baka-Israyeli ngiyawubentela sivumelwane netilwane tesiganga netinyoni temoya kanye netidalwa letinwabutela phansi emhlabatsini. Butjoki, nenkemba, nemphi ngiyawukususa eveni, kuze kutsi bonkhe batewulala phansi baphephile.

Hezekeli 39:22

Kusukela ngalelo langa kuye embili indlu yaka-Israyeli iyawungati kutsi mine nginguSimakadze Nkulunkulu wayo.

1 yaPhetro 5:5

Nani-ke, labasha, batfobeleni babonisi. Nonkhe yembatsani kutfobeka, nitfobelane, ngobe: “Nkulunkulu umelana nalabatigcabhako, kodvwa labatfobekile ubapha umusa.”

2 kubaseKorinthe 10:17

UmBhalo utsi: “Lowo lofuna kutibonga, akatibonge ngeNkhosi.”

2 kubaseKorinthe 10:5

Tibhidlita konkhe lokuphakamele kuvimbela kwati Nkulunkulu. Titfumba yonkhe imicabango, tiyente itfobele kulalela Khristu.

Lukha 18:14

Jesu watsi: “Nginitjela kutsi lendvodza lengumtselisi yabuyela ekhaya seyemukelwe nguNkulunkulu kutsi ilungile kunalona lomunye, ngobe phela wonkhe umuntfu lotiphakamisako, uyawutfotjiswa, wonkhe lotitfobako, uyawuphakanyiswa.”

Zakhariya 9:16

Simakadze Nkulunkulu wabo uyawubasindzisa ngalelo langa njengemhlambi webantfu bakhe. Bayawumanyatela eveni lakhe njengematje laligugu lacwebetelako kuwo umchele.

Zefaniya 3:16

Ngalelo langa bayawusho kuyo iJerusalema, batsi: “Ungesabi, Siyoni, netandla takho ungatiyeketsisi.

Zefaniya 3:11

Ngalelo langa ungeke udliwe ngemahloni ngako konkhe lokubi lokwentile kimi, ngobe kulelidolobha ngiyawubesusa labo labajabula ngeligcabho labo. Ungeke uphindze utigcabhe etikwaleligcuma lami lelingcwele.

Mikha 5:10

Simakadze utsi: “Ngaleso sikhatsi ngiyakubulala emahhashi akho, ngibhubhise tincola nemahhashi ato.

Obadiya 1:8

Simakadze ukhuluma utsi: “Mhlazana ngijezisa Edomu ngiyewubhubhisa netati takhe ngicedze konkhe kuhlakanipha kwakhe etintsabeni taka-Esawu.

Amose 9:11

“Ngalelo langa ngiyakulivusa kabusha lithende laDavide leliwile. Ngiyakutakha kabusha tindzawo talo letephukile, ngiwakhe kabusha emadzibikelo alo, ngiphindze ngilakhe libe nguloku lelake laba nguko,

Joweli 3:18

“Ngalelo langa tintsaba tiyawuntfontsa liwayini lelisha, kutsi emagcuma agelete lubisi, tihosha takaJuda tigijime emanti. Umtfombo uyawugeleta uphume endlini yaSimakadze unisele Sigodzi Semigamba.

Hoseya 2:21

“Ngalelo langa ngiyawuphendvula,” kusho Simakadze, “ngiyawuphendvula emazulu, nawo ayawuphendvula umhlaba;

Hoseya 2:16

“Ngalelo langa uyawungibita utsi: ‘Ndvodza yami,’ ungeke uphindze ungibite utsi: ‘Bhali wami,’ ” kusho Simakadze.

Hezekeli 39:11

“ ‘Ngalelo langa ngiyawuniketa Gogi indzawo yekungcwatjwa ka-Israyeli, esigodzini salabo labahamba besuka emphumalanga babheke ngaselwandle. Lendzawo iyawuvimba indlela yetihambi, ngobe Gogi kanye nalo lonkhe lolucucaba lwakhe bayawungcwatjwa lapho. Ngako-ke seyiyawubitwa ngekutsi sigodzi sakaHamona Gogi.

Hezekeli 38:19

Ngenshisekelo yami nangelulaka lwami loluvutsako, ngiyasho ngitsi: Ngalelo langa kuyawuba nalokukhulu kutamatama kwemhlaba eveni laka-Israyeli.

Hezekeli 38:14

“Ngako-ke, ndvodzana yemuntfu, phrofetha utsi kuGogi: ‘Naku lokushiwo yiNkhosi Simakadze, itsi: Ngalelo langa, mzukwana sive sami, ema-Israyeli, sesihlala sivikelekile, awuyiwukubona yini?

Jeremiya 9:24

Kodvwa lowo lotigabatisako akatigabatise ngaloku: Kwekutsi uyangicondza, futsi uyangati mine, kutsi nginguSimakadze lophatsana ngemusa, ehlulele ngekwemtsetfocotfo, abuse nangekulunga emhlabeni, ngobe ngiyajabula-ke kuloko,” kusho Simakadze.

Isaya 52:6

Ngako-ke sive sami siyawulati Libito lami. Ngalelo langa bayawukwati kutsi ngimi lowakusho loko kungakenteki. Yebo, ngimi.”

Isaya 37:23

Ngubani lona lometfukile wamhlambalata? Ngubani lona bewumbhodlela umetfwalela emehlo? NguLongcwele waka-Israyeli!

Isaya 30:23

Utawubuye anitfumelele imvula ngenca yenhlanyelo yenu leseniyihlanyele phansi emhlabatsini, kudla lokuphuma emhlabatsini kutawunona, futsi kube kunyenti. Ngalelo langa tinkhomo tenu tiyawukudla emadlelweni labanti nalaluhlata.

Isaya 29:18

Ngalelo langa tihhulu tiyakuva emavi alencwadzi legocotwako; ekhatsi ebumnyameni kahlongasibi emehlo etimphumphutse ayawubona.

Isaya 28:5

Ngalelo langa Simakadze longuSomandla uyawuba ngumchele webukhosi, umchele lomuhle wensali yesive sakhe.

Isaya 26:1

Ngalelo langa kuyawuhlatjelelwa ingoma kaJuda, letsi: “Sinelidolobha lelicinile; Nkulunkulu usentela insindziso ngetibondza talo netinqaba talo.”

Isaya 25:9

Ngalelo langa bayakutsi: “Ngempela, lona nguNkulunkulu wetfu, besetsembela kuye, naye wasisindzisa. Lona nguSimakadze lebesetsembele kuye; asijabule sitfokote ngensindziso yakhe.”

Isaya 12:1

Ngalelo langa uyakutsi: “Ngiyakudvumisa, wena Simakadze, lite nome bewungitfukutselele, kodvwa kutfukutsela kwakho akusekho, esikhundleni saloko sewungidvudvutile.

Isaya 4:1

Ngalelo langa labasikati labasikhombisa bayawuhlanganyela indvodza yinye, batsi kuyo: “Sitatidlela kudla kwetfu siphindze sitembatsise; intfo nje, sicela kutsi simane sibitwe ngawe. Susa lelihlazo letfu!”

2 kubaseThesalonika 1:10

Loko kuyakwenteka ngelilanga nayifika kutawudvunyiswa kulabangcwele bayo, bayibabate bonkhe labakholwako; nani niyawube nisemkhatsini wabo, ngobe nani nabemukela bufakazi betfu ngayo.

2 Samuweli 22:28

Uyabasindzisa labatfobekile, kodvwa emehlo akho akulabatiphakamisako, kuze ubatfobise.

Tihlabelelo 20:8

Labantfu bacimuleka bawe phansi, kepha tsine sima sitsi zica.

Tihlabelelo 46:10

Yena utsi: “Yekelani kulwa! Kufanele nati kutsi mine nginguNkulunkulu. Ngengamela tive kanye nemhlaba wonkhe.”

Taga 30:13

Labanye bayatigcabha, bahlala ngekuchukuluta labanye bantfu.

Isaya 23:9

NguSimakadze longuSomandla lokuhlelile kutsi entele phansi ligcabho labo bonkhe bukhatikhati, nekutsi atfobise bonkhe labadvumile emhlabeni.

Isaya 30:18

Noko Simakadze ulangatelela kangaka kutsi abe nemusa kini. Uyaphakama kutsi anihawukele, ngobe Simakadze nguNkulunkulu lowehlulela ngemtsetfocotfo. Babusisiwe bonkhe labalindzela yena.

Mikha 2:3

Ngako Simakadze utsi: “Ngitanehlisela sehlakalo, futsi kuyawubate loyawuphepha kuso. Niyawutikhandza senisekhatsi elubishini, lapho ningaseyiwuhamba ngekutigabatisa lokungaka.

Tihlabelelo 18:28

Nguwe lowokhela sibane sami, Simakadze, Nkulunkulu wami; ugucula bumnyama bami abente bube kukhanya.

Tihlabelelo 46:11

Nkulunkulu Somandla unatsi, Nkulunkulu waJakobe usiphephelo setfu. Cabanga.

Tihlabelelo 94:2

Phakama, Mehluleli wemhlaba, uphindzisele kubemhlaba labatidlako.

Taga 16:5

Umuntfu lotiphakamisako usinengiso kuSimakadze; nome kanjani uyawujeziswa.

Isaya 10:12

Simakadze nase acedzile yonkhe imisebenti yakhe lemelene nentsaba iSiyoni neJerusalema, uyakutsi: “Ngiyakuyijezisa inkhosi yase-Asiriya ngenca yeligcabho layo langemabomu lelisenhlitiyweni yayo nangenca yekutiphakamisa kwayo lokusemehlweni ayo.

Isaya 14:15

Kodvwa sewehliselwe phansi endzaweni yalabafile, emajukujukwini emgodzi.

Isaya 40:23

Utsatsa tikhulu atente lite, ehlise babusi bakulomhlaba babe lite.

Jeremiya 12:9

Lifa lami alifanani yini kimi nenyoni yekuhlasela lengemabhadvubhadvu letungeletwa nguletinye tinyoni tekuhlasela? Hambani niyewubutsa tonkhe tilwane tesiganga, nitiletse titewudla.

Danyela 4:34

“Ekugcineni kwaleso sikhatsi mine, Nebukhadnezari, ngaphakamisela emehlo ami ngabheka ngasezulwini, kukhanyelwa kwengcondvo yami kwabuyiselwa kimi. Ngabe sengidvumisa Longetulu Kwako Konkhe. Ngamhlonipha ngamdvumisa lowo lophila kuze kube phakadze. “Umbuso wakhe ungumbuso waphakadze; bukhosi bakhe buyawuhlala bumile titukulwane ngetitukulwane.