Isaya 19:11 - Siswati 1996 Bible

¹¹ Tiphatsimandla taseSowani atisilo lutfo, kuphela nje, titibhungayeti; beluleki labahlakaniphile bakaFaro beluleka ngeteluleko letingenangcondvo. Ungasho kanjani kuFaro utsi: “Ngingulomunye walabahlakaniphile, intalo yemakhosi akadzeni”?

Isaya 19:11 ပူးပေါင်းရင်းမြစ်များ

Numeri 13:22

Benyuka badzabula iNegevu, lekuyiningizimu yelive laseKhenani, baze befika eHebroni, lapho kwakuhlala khona bo-Ahimani, naSheshayi, naThalmayi, titukulwane ta-Anaki. IHebroni yayakhiwe iminyaka lesikhombisa ngaphambi kweSowani yaseGibhithe.

Imisebenti yebaPhostoli 7:22

Mosi wafundziswa yonkhe inhlakanipho yemaGibhithe, waba lijaha leliyindvodza leyayinemandla ekukhulumeni nasetentweni.

Isaya 30:4

Nome banetiphatsimandla eSowani netigijimi tabo tefika eHanesi,

Tihlabelelo 78:43

ngesikhatsi enta tibonakaliso takhe eGibhithe, enta netimangaliso takhe eveni laseSowani.

1 Emakhosi 4:30

Kuhlakanipha kwaSolomoni kwaba kukhulu kunekuhlakanipha kwato tonkhe tati tasemphumalanga netaseGibhithe.

Tihlabelelo 78:12

Wenta timangaliso embikwabokhokho babo, endzaweni yaseSowani eveni laseGibhithe.

Hezekeli 30:14

IPhathrosi ngiyakuyenta ibe lihlane, iSoyani ngiyilumeke ngemlilo, iThebesi ngiyehlisele sijeziso.

Hezekeli 7:26

Kuyawufika sigemegeme etikwesigemegeme, nemahemuhemu etikwemahemuhemu. Bayakwetama kutfola sembulo kumphrofethi; kulahleke nemfundziso yemtsetfo kumphristi, kuphele neteluleko talabadzala.

Jeremiya 49:7

Macondzana ne-Edomu: Naku lokushiwo nguSimakadze longuSomandla, utsi: “Sekwabate yini kuhlakanipha eThemani? Setaphela yini teluleko kulabahlakaniphile? Kuhlakanipha kwabo sekwabola yini?

Jeremiya 10:21

Belusi abanangcondvo, abambuti naSimakadze; ngako abaphumeleli, nayo yonkhe imihlambi yabo isakatekile.

Jeremiya 10:14

Bonkhe abanangcondvo, futsi abanalwati, bonkhe babumbi betegolide bahlazekile ngetithico tabo. Titfombe tabo tiyinkhohliso, atinamphefumulo.

Isaya 44:25

lophuntisa tibonakaliso tebaphrofethi bemanga, labaphengulako abente tilima, acitse kufundza kwalabahlakaniphile, akugucule akwente kube ngumbhedvo.

Isaya 29:14

Ngako-ke ngisetawuphindze ngibamangalise labantfu ngetigigaba etikwetigigaba. Inhlakanipho yetihlakaniphi tabo itawuphela, kukhalipha kwemcondvo kwalabanengcondvo lekhaliphile kutawuphela.”

Isaya 19:13

Tiphatsimandla taseSowani setitibhungayeti, baholi baseMemfisi sebakhohlisiwe; imisumphe yebantfu bakhona seyedukise lonkhe live laseGibhithe.

Isaya 19:3

EmaGibhithe ayawuphelelwa ngemandla; emasu awo ngiyawuwacedza atsi nya. Ayawuya etithicweni ayewuphengula, aze ayewufuna labaphansi, netangoma, nalababhulako.

Taga 30:2

Sengifanana nesilwane, angisesiye umuntfu, ngobe tintfo angisaticondzi njengemuntfu.

Tihlabelelo 92:6

Sihhundzahhundza singeke sikwati loko, umuntfu losilima angeke acondze

Tihlabelelo 73:22

kwakhandzaniseka kutsi angicondzisisi, nginebulima; mine ngaba nebulwane embikwakho.

Tihlabelelo 33:10

Simakadze ucitsa emacebo etive; ushabalalisa imicabango yebantfu.

Jobe 12:17

Wenta babusi batiphatsise kwetilima, ente behluleli babe tilima.

Jeremiya 8:9

Labahlakaniphile bayawuhlazeka; bayawujabhiswa, babhajwe elugibeni. Njengobe balilahlile livi laSimakadze nje, banakuphi-ke kuhlakanipha?

Jeremiya 46:17

Lapho bayawubabata batsi: ‘Faro, inkhosi yaseGibhithe, ungumsindvo nje lomkhulu, ulilahlile litfuba lakhe.’

Hezekeli 28:17

Inhlitiyo yakho yakhukhumuka ngenca yebuhle bakho, wona buhlakaniphi bakho ngenca yekucwebetela kwakho. Ngako ngase ngikulahlela emhlabeni, ngakwenta inhlekisa embikwemakhosi.

Obadiya 1:7

Bonkhe labo bewubambisene nabo bakukhohlisile, batakuhlehlisela emnyeleni welive lakho. Bantfu benihletisene nabo ngekuthula nyalo sebakwehlulile. Bangani bakho bewudla nabo sebakwetsiyele lugibe, badzimate bakhuluma bodvwa ngawe, batsi: ‘Kuphi-ke lokuhlakanipha kwakhe?’ ”

Eksodusi 8:4

Letigogodvolo tiyawugcumela etikwakho, nasetikwebantfu bakho, nasetikwetiphatsimandla takho tonkhe.’ ”

Eksodusi 8:14

EmaGibhithe atibutsisa ndzawonye taba tincumbi letinkhulu. Lonkhe live lanuka luboti.

1 Emakhosi 5:10

Ngempela Hiramu watfumelela Solomoni tonkhe tingodvo temisedari netetipheshula labetidzinga,

Obadiya 1:8

Simakadze ukhuluma utsi: “Mhlazana ngijezisa Edomu ngiyewubhubhisa netati takhe ngicedze konkhe kuhlakanipha kwakhe etintsabeni taka-Esawu.