Ingoma Yetingoma 7:8 - Siswati 1996 Bible

⁸ Ngatsi: “Ngitasekhwela lesihlahla selisundvu, ngitatikha titselo taso.” Shangatsi emabele akho angaba njengetikhehle temavini, kutsaphuka kwemakha ekuphefumula kwakho kube njengemahhabhula,

Ingoma Yetingoma 7:8 ပူးပေါင်းရင်းမြစ်များ

Ingoma Yetingoma 1:3

Liyajabulisa liphunga lemakha akho; libito lakho linjengemakha latfululwako. Nguko nje tintfombi tikutsandza kangaka!

Ingoma Yetingoma 2:3

Njengesihlahla semahhabhula emkhatsini wetihlahla telihlatsi, unjalo lotsandzekako wami emkhatsini wemajaha. Ngiyakujabulela kuhlala emtfuntini wakhe, nesitselo sakhe siyanongotela, nangisinambitsa.

Ingoma Yetingoma 2:5

Ngiciniseni ngemagelebisi lomisiwe, ningihlumelelise ngemahhabhula, ngobe ngiyafa lutsandvo.

Ingoma Yetingoma 4:16

Vuka, moya wasenyakatfo, ute nawe, moya waseningizimu! Hhusha etikwengadze yami, kuze kutsaphuka kwemakha ayo kwandze kabanti. Longitsandzako akete engadzeni yakhe atewunambitsa titselo tayo telikhetselo.

Ingoma Yetingoma 7:7

Lutsi lwemtimba wakho lunjengesihlahla selisundvu, nemabele akho anjengetitfungo tetitselo.

Jeremiya 32:41

Ngiyawujabula kubentela lokuhle, ngempela ngiyawubahlanyela kulelive ngayo yonkhe inhlitiyo yami nangawo wonkhe umphefumulo wami.

Joweli 1:12

Umvini sewomile, nemkhiwa sewubunile kanjalo nemahananandza, nemasundvu, nesihlahla semahhabhula kanye nato tonkhe tihlahla tensimi setomile. Ngempela kujabula kweluntfu sekuphelile.

2 kubaseKorinthe 2:14

Kodvwa akabongwe Nkulunkulu losihola njalo eludvwendvweni lwekuncoba ngaKhristu. Nkulunkulu usebentisa tsine kutsi etindzaweni tonkhe avakalise liphunga lelimnandzi lekumati Khristu.