Ingoma Yetingoma 6:13 - Siswati 1996 Bible

¹³ Buya, buya, wena ntfombi yaseShulami; buya, buya, khona sitekubuka! Nitayibukelani intfombi yaseShulami, igidza emkhatsini wemabutfo lamabili?

Ingoma Yetingoma 6:13 ပူးပေါင်းရင်းမြစ်များ

Genesisi 32:2

Jakobe watsi kube atibone letingilosi watsi: “Lesi sikanekiso saNkulunkulu!” Wetsa leyo ndzawo libito watsi yiMahanayimu.

Genesisi 49:10

Bukhosi bungeke busuke esandleni saJuda. Titukulwane takhe tiyawubusa njalonjalo, tive tiyakwetfula kuye timlalele.

2 Samuweli 17:24

Davide wahamba waze wefika edolobheni laseMahanayimu. Ngaleso sikhatsi Absalomu kanye nemphi yakhe bese bakhuphukele ngesheya kwemfula iJordane.

Tihlabelelo 76:2

Lithende lakhe liseSalema, nendlu yakhe iseSiyoni.

Ingoma Yetingoma 1:6

Ningangibukisisi ngobe ngiluhlata, ngobe ngifuswe lilanga. Emadvodzana amake angitfukutselela, angenta ngalindza tivini, sakami sivini ngasiyekelela.

Ingoma Yetingoma 2:14

Tuba lami lelisemifantfwini yemadvwala, etindzaweni tekubhaca emaceleni etintsaba, ngikhombise buso bakho, ungivise neliphimbo lakho; ngobe liphimbo lakho liyanongotela, nebuso bakho buyatsandzeka.

Ingoma Yetingoma 6:12

Ngatsi ngingakacapheli, kulangatela kwami kwangibeka emkhatsini wetincola tebukhosi tebantfu bami.

Isaya 8:6

“Njengobe lesive siwalile emanti aseShilowa lehla kamnandzi, sajabulela Resini nendvodzana yaRemaliya,

Jeremiya 3:22

“Ncandzekani sive lesingaketsembeki, ngiyawunelapha kulokuhlubuka kwenu.” “Yebo, siyakuta kuwe, ngobe wena unguSimakadze Nkulunkulu wetfu.

Lukha 15:10

Jesu wachubeka watsi: “Ngalokufananako-ke, ngitsi kini: Tingilosi taNkulunkulu tiyawutfokota ngesoni sinye lesiphendvukako.”

Lukha 7:44

Wase ugucukela kulomfati, utsi kuSimoni: “Uyambona lomfati? Seloku ngingenile lapha endlini yakho awukanginiki emanti ekugeza tinyawo tami, kodvwa yena sewugeze tinyawo tami ngetinyembeti takhe, waze watesula ngetinwele takhe.

Johane 10:16

Nginaletinye timvu letingesito noko takulesibaya, nato futsi kufanele ngitiletse, titakuliva livi lami. Titawuba mhlambi munye tonkhe nemelusi munye.

Johane 9:7

Watsi kuyo: “Hamba uyewugeza echibini laseSilowama!” (Lelibito lisho kutsi: “Utfunyiwe”.) Lendvodza yavele yahamba yayawugeza, yabuya seyibona.

KubaseRoma 3:29

Empeleni Nkulunkulu ngabe unguNkulunkulu wemaJuda kuphela yini? Akasiye yini futsi Nkulunkulu webetive? Vele, unguNkulunkulu newebetive,

KubaseRoma 7:23

Kodvwa ngibona umtsetfo lomunye losebenta emalungeni ami ulwa nemtsetfo wengcondvo yami. Ungenta ngibe sigcili semtsetfo wesono lesihlala emalungeni ami.

KubaseGalathiya 5:17

Ngobe inyama ikhanuka lokuphambene naMoya, naMoya, uphambene nenyama, ngobe kokubili kuyaphikisana, kuze ningetikwenta lenikutsandzako.

2 kubaseThesalonika 1:10

Loko kuyakwenteka ngelilanga nayifika kutawudvunyiswa kulabangcwele bayo, bayibabate bonkhe labakholwako; nani niyawube nisemkhatsini wabo, ngobe nani nabemukela bufakazi betfu ngayo.

KumaHebheru 7:2

Abrahama wamnika kwelishumi kwako konkhe labekutfumbile. Lelibito lakhe lelitsi Melkhisedeki lisho kutsi: “INkhosi Yekulunga”; kantsi leli lelitsi iNkhosi yaseSalema lisho kutsi: “INkhosi Yekuthula”.

Tikhulu 21:21

nilindze; kutawutsi tintfombi taseShilo natichamuka nato titewugidza, nine bese niyaphoseka niphuma lapha etivinini, ngulowo nalowo atibambele wakhe umfati kuletintfombi taseShilo, nihambe nibuyele eveni lakini kaBhenjamini.