Ingoma Yetingoma 6:1 - Siswati 1996 Bible

¹ Uyephi lolokutsandzako wakho, wena lomuhle kunabo bonkhe besifazane? Ujikele ngakuyiphi indlela lona lokutsandzako wakho, khona sitekufunisa yena?

Ingoma Yetingoma 6:1 ပူးပေါင်းရင်းမြစ်များ

Ingoma Yetingoma 1:4

Ngitsatse ngihambe nawe, asisheshise! Inkhosi ayingingenise esigodlweni sayo. Siyajabula sikutsakasele; sitaludvumisa lutsandvo lwakho, siludvumise kwendlula liwayini. Kufanele kutsi bakutsandze.

Ingoma Yetingoma 1:8

Nangabe awati, wena mfati lomuhle kakhulu, landzela etinyatselweni temhlambi wetimvu, uyewudlisa khona emazinyane etimbuti ngasemathendeni ebelusi.

Ingoma Yetingoma 2:2

Njengemnduze emkhatsini wemanyeva, unjalo lotsandzekako wami emkhatsini wetintfombi.

Ingoma Yetingoma 5:6

Ngamvulela longitsandzako wami, kodvwa longitsandzako wami abesahambile, angasekho. Inhlitiyo yami yayiphumele kuye ngesikhatsi akhuluma. Ngamfuna, kodvwa angizange ngimtfole. Ngambita, kodvwa akazange asabele.

Ingoma Yetingoma 5:9

Unjani yena lona lotsandzekako wakho, uncono yini kunalabanye, wena lomuhle kunabo bonkhe besifazane? Kantsi lomkhwenyane wakho muhle kwendlula bonkhe yini, lokwekutsi ungaze usitjele kanjalo?

Ingoma Yetingoma 6:4

Umuhle, sitsandvwa sami, unjengeThisa, umuhle njengeJerusalema, uhlonipheke njengemabutfo laphetse imijekwa yawo.

Isaya 2:5

Kota, wenandlu yakaJakobe, sitewuhamba ekukhanyeni kwaSimakadze.

Jeremiya 14:8

Awu, Tsemba la-Israyeli, Msindzisi wakhe ngetikhatsi telusizi, wentelani kuba njengemfokati eveni, nanjengesihambi lesihlala busuku bunye nje?

Ruthe 2:12

Shangatsi Simakadze angakunika umvuzo ngaloku lose ukwentile. Shangatsi Simakadze, Nkulunkulu wema-Israyeli, angakunika umvuzo lophelele, njengobe naku sewukhosele ngaphansi kwakhe nje.”