Ingoma Yetingoma 5:6 - Siswati 1996 Bible

⁶ Ngamvulela longitsandzako wami, kodvwa longitsandzako wami abesahambile, angasekho. Inhlitiyo yami yayiphumele kuye ngesikhatsi akhuluma. Ngamfuna, kodvwa angizange ngimtfole. Ngambita, kodvwa akazange asabele.

Ingoma Yetingoma 5:6 ပူးပေါင်းရင်းမြစ်များ

Genesisi 42:28

Wakhuluma kubomnakabo watsi: “Imali yami ibuyiselwe nayi emlonyeni welisaka lami.” Tinhlitiyo tabo takhatsateka kakhulu ngaloko, badzimate bakhulumisana batsi: “Yini lena lasentele yona Nkulunkulu?”

2 Samuweli 16:10

Inkhosi yaphendvula yatsi: “Ningenelana ngani nami, nine madvodzana aSeruya? Nangabe acalekisa, ngobe kushito Simakadze kutsi akangicalekise, ngubani lonelilungelo lekumbuta atsi: ‘Ukwentelani loku?’ ”

Tihlabelelo 28:1

Ngikhala kuwe, Simakadze, Dvwala lami. Ungabi sihhulu kimi, ngobe nangabe ungangiphendvuli, ngitawufana nalabaya ethuneni.

Tihlabelelo 30:7

Yebo, Simakadze, wangimisa ngaba njengentsaba lecinile; kodvwa watsi kube ungifulatsele, ngahlaselwa kwesaba.

Tihlabelelo 69:3

Ngidvubuteke kabi ngenca yekukhala kwami, umphimbo wami womile, uyahoshota. Emehlo ami asacundzekile ngenca yekulindzela wena, Nkulunkulu wami.

Tihlabelelo 77:3

Ngiyamkhumbula Nkulunkulu bese ngiyabubula; ngiyacabangisisa, bese umoya wami uphelelwa ngemandla. Cabanga.

Tihlabelelo 80:4

Awu, Simakadze, Nkulunkulu wemabandla! Kutawuze kube ngunini ucansulwa ngimithandazo yesive sakho?

Taga 1:28

“Bayawube sebayangibita, kodvwa ngingeke ngisabele; batangifunisisa, kodvwa bangeke bangitfole.

Ingoma Yetingoma 5:2

Ngalala, kodvwa inhlitiyo yami ayizange seyibutsi cutfu butfongo. Lalela! Longitsandzako uyanconcotsa, utsi: “Ngivulele, dzadzewetfu, sitsandvwa sami, tuba lami, wena longenasici wami. Inhloko yami seyinetfwe ngematolo, tinwele tami tinemswakama wasebusuku.”

Ingoma Yetingoma 5:4

Longitsandzako wami wase ufaka sandla sakhe esikhaleni semnyango, inhlitiyo yami yase icala kumhawukela.

Ingoma Yetingoma 6:1

Uyephi lolokutsandzako wakho, wena lomuhle kunabo bonkhe besifazane? Ujikele ngakuyiphi indlela lona lokutsandzako wakho, khona sitekufunisa yena?

Isaya 12:1

Ngalelo langa uyakutsi: “Ngiyakudvumisa, wena Simakadze, lite nome bewungitfukutselele, kodvwa kutfukutsela kwakho akusekho, esikhundleni saloko sewungidvudvutile.

Isaya 50:2

Kwaya ngani ngingakhandzi muntfu nangifika? Ngesikhatsi ngimemeta, kwabate leni losabelako? Ingalo yami yayiyimfisha kakhulu yini kwekutsi yayinganisindzisa? Ngite yini mine emandla ekunephula? Mine ngekhuta kanye nje kome lwandle, ngigucula imifula ibe lugwadvule, tinhlanti tayo tibole ngenca yekweswela emanti, tife, tibulawe koma.

Isaya 57:16

Ngingeke ngihlale ngisola njalonjalo, futsi ngingeke ngihlale ngitfukutsele, ngobe phela umoya wemuntfu ungaze ucaleke embikwami, umphefumulo wemuntfu lengamdala.

Isaya 58:2

Ngobe bangifuna onkhe emalanga, babonakala shangatsi banenshisekelo yekwati tindlela tami, kube shangatsi basive lesenta lokulungile, lesingakayishiyi imiyalo yaNkulunkulu waso. Babuta kimi tehlulelo leticotfo, babonakale shangatsi bashisekela kutsi Nkulunkulu asondzele kubo.

Isaya 8:17

Ngitawulindzela Simakadze lofihla buso bakhe kuyo indlu yakaJakobe. Ngiyawubeka litsemba lami kuye.

Sililo 3:8

Ngisho nome sengimemeta, ngikhalela kusitwa, uyivalela ngaphandle imikhuleko yami.

Hoseya 5:15

Ngiyawube sengibuyela endzaweni yami, baze balivume licala labo. Bayawufuna buso bami; baseselusizini lwabo bayawungifunisisa.”

Hoseya 5:6

Nabahamba nemihlambi yabo yetimvu netimbuti kanye nemihlambi yetinkhomo kuyawufuna Simakadze, bangeke bamtfole; sewutisusile kubo.

Zakhariya 7:13

“Simakadze longuSomandla utsi: ‘Ngatsi nangibabita bangete balalela ngekusabela, ngako-ke nabo nabamemeta, angizange ngibalalele.

Matewu 26:75

Phetro wase uyawakhumbula emavi aJesu ngesikhatsi atsi: “Lichudze litakutsi likhala, utakube sewungiphike katsatfu.” Wase uphumela ngephandle, wakhala kabuhlungu.

Makho 14:72

Masinyane lichudze lakhala kwesibili. Nembala Phetro wawakhumbula emagama aJesu ngesikhatsi atsi kuye: “Lichudze lingakakhali kwesibili wena utawube sewungiphike katsatfu.” Wadzabuka kakhulu enhlitiyweni yakhe, wakhala.

Sembulo 3:19

Labo lengibatsandzako ngiyabakhalimela ngibajezise; ngako-ke shisekela lokuhle, uphendvuke.

1 Samuweli 28:6

Sawula wase ubuta kuSimakadze, kodvwa Simakadze akazange amphendvule ngisho nangemaphupho, nome nge-Urimu, nome ngebaphrofethi.