Ingoma Yetingoma 5:4 - Siswati 1996 Bible

⁴ Longitsandzako wami wase ufaka sandla sakhe esikhaleni semnyango, inhlitiyo yami yase icala kumhawukela.

Ingoma Yetingoma 5:4 ပူးပေါင်းရင်းမြစ်များ

Genesisi 43:30

Josefa washesha waphuma, ngobe inhlitiyo yakhe yefikelwa buhlungu, wafuna indzawo lesitsele, wangena khona wakhala.

Genesisi 7:11

Ngemnyaka wema-600 ekuphila kwaNowa, enyangeni yesibili, mhlazana tili-17, tonkhe tiyalu temhlaba tabhoboka, emafasitelo asezulwini avuleka.

1 Emakhosi 3:26

Lomfati longumnikati walomntfwana wafikelwa ngimihelo ngenca yalomntfwanakhe, wakhuluma enkhosini watsi: “Ngiyacela, nkhosi yami, mane sale umnika yena lomntfwana lophilako! Ungambulali!” Kodvwa lona lomunye watsi: “Akubete lomtsatsako kitsi sobabili. Mhlahleleni ekhatsi!”

Tihlabelelo 110:3

Sive sakho siyawutinikela mhlazana ulwa netitsa takho, emabutfo akho ayawuta kuwe ahlobe ngemvunulo lengcwele, ayawuvela njengematolo asentsatsakusa.

Ingoma Yetingoma 1:4

Ngitsatse ngihambe nawe, asisheshise! Inkhosi ayingingenise esigodlweni sayo. Siyajabula sikutsakasele; sitaludvumisa lutsandvo lwakho, siludvumise kwendlula liwayini. Kufanele kutsi bakutsandze.

Jeremiya 31:20

Efrayimu akasiyo yini indvodzana yami letsandzekako, umntfwana lengijabulako ngaye? Nome ngivamise kukhuluma ngimelane naye, kodvwa noko ngisamkhumbula. Ngako-ke inhlitiyo yami iyamlangatelela; nginesihawu lesikhulu ngaye,” kusho Simakadze.

Imisebenti yebaPhostoli 16:14

Lomunye walabo lowasilalela nguLidiya, waseThiyathira, umtsengisi wetingubo letibukhwebeletane; abengumfati losikhonti saNkulunkulu. INkhosi yavula inhlitiyo yakhe kuze eve emukele loko lokwakukhulunywa nguPawula.

2 kubaseKorinthe 8:16

Kodvwa akabongwe Nkulunkulu lobeke enhlitiyweni yaThithusi lenshisekelo lenjengeyetfu yekunisita.

KubaseFiliphi 2:13

ngobe nguNkulunkulu losebenta kini kutsandza nekwenta ngekwentsandvo yakhe lenhle.